A gripe e a Covid marcan o inicio do outono con síntomas que son difíciles de diferenciar: febre, malestar, dor de gorxa, tose e dor de cabeza, máis frecuente na infección por coronavirus. Vacinarse segue a ser fundamental, advirte persoal médico, pero deben acompañarse de medidas preventivas como a máscara ante a maior intensidade doutros virus.
A vacinación de persoas maiores continúa segundo a planificación da Consellaría de Sanidade. Este sábado, centos de persoas desprazáronse até a Cidade da Cultura, igual que noutros puntos do país, baixo a choiva e o mal tempo.
A Galiza mantense por riba dos 200 positivos novos por Covid-19 en 24 horas e continúa aumentando os casos activos, mentres que diminúen os pacientes hospitalizados no país.
O BNG vén de demandar que as persoas maiores de 80 anos sexan vacinadas nos seus centros de saúde de referencia. A proposta preséntase nun momento en que se suceden as queixas polo modelo escollido pola Xunta da Galiza de trasladar aos anciáns aos vacinódromos das grandes cidades.
En canto ao uso da máscara en centros hospitalarios ou farmacias, o conselleiro de Sanidade recoñeceu que esta situación "se vai a prolongar durante un certo tempo".