Así o decidiu a Audiencia Provincial da Coruña. O obxecto da investigación é determinar se houbo prevaricación e información privilexiada na adxudicación dun concurso de ambulancias da Fundación Pública Urxencias Sanitarias de Galiza -dependente do Sergas- en 2014 por un monto de 121,6 millóns de euros.
O sector de emerxencias sanitarias pasa por un grave deterioro na Galiza ante os recortes, a precariedade e os constantes incumprimentos das adxudicatarias. A xustiza investiga un dos últimos concursos públicos da Xunta por posíbel trato de favor e amaños para beneficiar unha empresa próxima ao PP. Dedicamos a isto o tema de primeira do Sermos Galiza 233. Eis un extracto.
O xulgado de instrución número 2 de Compostela investiga se existiu un delito de prevaricación, información privilexiada e tráfico de influencias na adxudicación dun concurso da Fundación Pública de Urxencias Sanitarias de Galiza 061, dependente do SERGAS, por un importe de 121,6 millóns de euros.
Unha mobilización percorreu Compostela para rematar diante da sede da Confederación de Empresarios, onde exixiron negociar unhas condicións xustas no conxunto das empresas.
