arte

A Biblioteca da Galiza acollerá unha mostra do artista.

Esta cuarta feira, 17 de xaneiro, ás 19.30 horas, Carmela Galego ofrecerá unha palestra co título Sorolla á luz da modernidade, na Asociación Cultural Alexandre Bóveda da Coruña.  Despois de que en 2023 se celebrase o centenario do pasamento do pintor Joaquín Sorolla, a palestra analizará o legado que deixou. Da súa paleta semella que nace a claridade. "El ve a luz en 1863, o mesmo ano que a pintura contemporánea fascinou en París. Sabe combinar a receita perfecta entre tradición e modernidade que lle permite bogar con mestría grandes salóns, museos e paredes particulares. Gran coleccionista e pesquisador incansábel de identidades nas fronteiras do costumismo, a súa pintura deixa unha valiosa testemuña dunha forma de entender o mundo e a arte", declara Galego.  

O Museo Reina Sofía de Madrid vén de publicar Abellón, unha peza audiovisual de Xoán-Xil que se insire no proxecto do mesmo nome e que indaga na relación das abellas e a morte na cultura popular galega, ligándoa con prácticas doutras xeografías.

Perfecto Ramos vén de publicar Joaquín Vaamonde Cornide (Aira) a historia dun pintor que logrou o éxito e a fama entre as elites americanas e europeas, pero que nunca logrou superar a amargura de non poder levar a cabo o seu verdadeiro ideal artístico.

Perto de catro mil asistentes visitaron os oito concellos da área metropolitana da Coruña para gozar dun vibrante escenario cun gran elenco de artistas femininas.

A exposición Do final e do comezo, inaugurada onte no Pazo da Cultura de Pontevedra, mostra no Pazo da Cultura unha selección de traballos de estudantes da última promoción formada en Belas Artes. Na súa arte, o doméstico e o emocional defínense como parámetros a partir dos cales elaborar un traballo que indaga nas orixes e subvirte os códigos.

Últimos días para ver algunhas das exposicións de 2023.

A autora, Lula Goce, empregou a intelixencia artificial para xerar o rostro da muller retratada, partindo dunha mestura de imaxes de Penélope Cruz e outras caras femininas elixidas aleatoriamente.

José Perozo (Vigo, 1979) inaugura 'Antropotectura', unha exposición que estará aberta ao público na galería Monty4 (A Coruña) até o 2 de febreiro e que aborda a relación da arquitectura co corpo humano.

A Vicepresidencia da Deputación de Lugo colaborou co Lugo Cultural, unha programación organizada pola área de Cultura da Universidade de Santiago, que conta tamén coa colaboración da área de Cultura do Concello de Lugo e que ten como obxectivo fomentar a participación da comunidade universitaria na vida cultural da cidade, creando foros de encontro entre a cidade e o campus..
 

A Xunta da Galiza vén de ofrecer un balance da Cidade da Cultura no ano 2023 que insiste na indefinición do complexo do Gaiás malia o anuncio dunha "nova etapa" no ano 2021. Só unha quinta parte das persoas visitantes do Gaiás acoden ao complexo para asistir a algunha das actividades do programa cultural.

O recoñecido escultor ourensán sinala que Eremitas é "unha homenaxe aos homes e ás mulleres que decidiron perderse no deserto verde daquela ribeira á que o Padre Yepes bautizou como Ribeira Sagrada".

Dunha gran mostra dedicada a Antón Lamazares ás políticas da representación de Mar Caldas e da arte centroamericana ás novas linguaxes: o Centro Galego de Arte Contemporánea ten previstas once exposicións para o ano 2024.

A relación de Fernández del Riego coas artes plásticas quedou sempre algo relegada no estudo da súa obra. A exposición que estivo presente en Vigo ao longo deste ano, ao coidado de Beatriz Liz de Cea, mostran a importancia que tivo na traxectoria do autor.

O Museo de Lugo acolleu onte unha xornada que tiña como obxectivo divulgar a efervescencia creativa na Galiza no primeiro terzo do século, e como o golpe militar do 36 e a ditadura franquista truncaron unha etapa chave na historia da arte galega, lembrando as e os artistas expulsados e analizando a influencia da diáspora na súa produción creativa.

O XIII Premio do Auditorio da Galiza para Artistas Noveis recoñeceu en Compostela a obra de 33 artistas menores de 40 anos. Os tres primeiros galardóns foron para Sergio Marey (Pol, 1997), Laure Mojo (O Pino, 1985) e Breogán Xague (Vigo, 1999). 

En todo o mundo estanse a repetir episodios de censura que castigan creadoras e creadores que mostran a súa solidariedade co pobo palestino. As ameazas á liberdade de expresión e a reacción do mundo da arte demostra que as batallas culturais teñen unha grande importancia na loita por manter os principios democráticos ante as ameazas totalitarias.