exposición

Hai pouco mostraba a súa visión do bodegón no Museo de Pontevedra. Agora, Xulio Gil dirixe a súa mirada ao retrato, mais non a un retrato calquera: á fotografía das persoas -moitas veces amigas- que, coma el, dedican a súa vida á creación. Un ollar sobre o ollar doutros que nos mostra en branco e negro a imaxe dun tempo crucial para a plástica galega. 
 

Alberto Ruiz de Samaniego, doutor en Filosofía e profesor de Estética e Teoría das Artes, é o comisario da exposición Juan Carlos Meana. O espazo entre as cousas (Museo de Pontevedra), nacida como “unha homenaxe a toda a súa carreira como artista, como docente e como mais como compañeiro”.

A Casa Museo Casares Quiroga acolle a exposición fotográfica 'A invasión galega da Movida Madrileña nos ollos de Marivi Ibarrola' desde mañá 31 de agosto ata o 4 de outubro.

Antón Sobral inaugura 'Ardentías, xerfas e silencio'

A exposición 'Arredor do debuxo' presenta no Museo do Gravado de Ribeira, até o 31 de agosto, unha completa panorámica da relación de Manuel Quintana Martelo co debuxo, e ofrece as claves para comprender a singularidade da súa obra, que xorde da reflexión sobre o papel da figuración na arte contemporánea. 
 

Naceu no ano 340 e foi executado aos 45 anos de idade na cidade de Tréveris (na actual Alemaña) acusado de "danzas nocturnas, rituais máxicos e práctica de astroloxía cabalista", entre outras. Prisciliano da Gallaecia converteuse así no primeiro 'herexe' do catolicismo, torturado e decapitado polos seus 'delitos' deixando unha pegada que perdura aínda até a actualidade.

Por primeira vez, a Fundación Laxeiro de Vigo expón sete obras datadas a finais dos anos vinte e principios dos trinta, que mostran a mirada dun Laxeiro adolescente decidido a ser artista. Estas obras ilustran como un Laxeiro aínda mozo aprendía a pintar e a debuxar a partir do seu territorio visual máis inmediato. 
 

Na Cidade da Cultura, en Compostela, pode verse, até o 5 de novembro, a exposición Nicolás Muller. Vento Norte, que presenta 131 imaxes dun dos fotógrafos húngaros que deron vida á fotografía social a partir do período de entreguerras. As obras inclúen varias instantáneas tomadas na Galiza na década de 1960, que permiten reconstruír a vida da clase traballadora naquela altura.

O Consorcio de Santiago inaugura a exposición 'Lorca en Compostela', que reúne na Casa do Cabido máis de oitenta documentos e pezas, algún deles nunca exhibidos. Será a primeira vez que se mostren conxuntamente ao público elementos que revelan a fondísima relación do poeta andaluz coa capital, a lingua e a cultura galega.

As obras premiadas e finalistas no certame Novos Valores que convoca a Deputación de Pontevedra poden verse agora nunha exposición, no Museo Provincial, que permite albiscar a forma de interpretar o mundo dunha nova xeración de creadoras que se moven entre o relato do propio mundo e a creación de ficcións que o expliquen, entre a expresión de preocupacións persoais e a reflexión sobre as cuestións máis apremantes para a sociedade.

Unha exposición cunha tese audaz: o ornamento é político. 'Pisando charcos', unha mostra que revisa a traxectoria de Almudena Fernández Fariña, pode verse até o 10 de setembro no Centro Galego de Arte Contemporánea, e descobre unha artista cuxa versatilidade estilística non oculta unha profunda coherencia na súa procura estética. 
 

Baixo o título ‘Traballo en equipo’, esta dupla proposta expositiva conmemora e celebra a traxectoria do CGAC como centro museístico e o seu labor á fronte da colección pública de arte contemporánea de referencia na Galiza.

Unha mostra exhibe os seus últimos traballos.

A exposición 'Conexións surrealistas. Colmeiro, Granell e o Surrealismo no exilio' inaugurouse esta quinta feira na Fundación Granell de Santiago de Compostela, mostrando algunhas das influencias que se entrecruzaron entre artistas europeos e americanos tras o golpe de Estado franquista e a toma de Francia polos nazis, concretadas nos casos de Colmeiro e Granell.

Reúne varias series fotográficas a grande escala nas que a paisaxe é o fío condutor.

Esta cuarta feira inaugurouse na Igrexa da Universidade de Santiago de Compostela a mostra 'Fragmentos de onte', que exhibe, a carón das fotos tomadas por Ruth Matilda Anderson na Galiza, recreacións da indumentaria tradicional que permiten recuperar para a memoria o país que a fotógrafa americana atopu hai agora cen anos.

Unha exposición en Compostela, comisariada por Antón Reixa e Xosé Luís Canido, investiga a pegada deixada pola Galiza na obra de 50 autores universais como García Lorca, John Berger, Stephan Zweig, Miles Davis, David Chipperfield ou Sebastiao Salgado.