tradición

Con motivo do 25N, 'Nós Diario' achégase ás manifestacións da violencia contra as mulleres presentes na música tradicional. Estas mensaxes agresivas son moitas veces naturalizadas, cántanse toleradas coa aura doutro tempo. Ante a necesidade de entendelas no seu contexto, xorde tamén a dúbida sobre a pertinencia de seguirmos interpretando hoxe esas mesmas mensaxes.

O feche de locais públicos, dependente dos Concellos ante a actual situación por mor da Covid-19, deixa mestras e mestres de baile e música tradicional á intemperie, sen poder exercer a súa profesión.

Teresa Ferrreiro é ilustradora, DJ e moito máis. Artista multifacética, participa no ciclo VanGal que o Museo do Pobo Galego organiza durante esta fin de semana. O seu traballo afonda desde diversos formatos na memoria, especialmente a das mulleres, para reivindicar o legado da tradición e traela ao presente.

A compañía con base en Barcelona Ancorae Danza trae á Galiza a súa primeira creación, un espectáculo arredor dos corpos femininos no que o flamenco recibe a influencia da música e o baile tradicional galego. Esta exploración contemporánea apunta como futura liña de traballo do grupo que dirixe Andrea Jiménez.

Unha textura sonora granulada enmarca o canto dunha recollida, mentres a paisaxe do Courel ocupa a pantalla. Con esta potencia arrinca 'Dorothé na Vila', un documental que Alejandro Gándara e Olaia Tubío estrean hoxe na Mostra Internacional de Cinema Etnográfico (Compostela). As realizadoras seguen o rastro da musicóloga Dorothé Schubarth no seu percorrido pola Galiza desde finais dos anos 70, nun periplo que as levou a descubrir as historias que se agochan tras o 'Cancioneiro Popular Galego'.

Desde os albores daquel transversal e revolucionario Projeto ['trépja] en 2008, o colectivo traballou na construción do tecido de base, desde a asociación Trépia e a súa escola. Como resultado desde tempo de aparente silencio, este ano viu a luz 'Suán', un álbum que constitúe a primeira fase dunha iniciativa máis ampla que tenta implicar alumnado e profesorado, sempre coa idea de levar o tradicional cara ao futuro e facelo máis accesíbel a novos públicos.

As medidas sanitarias e de precaución fronte á Covid-19 tiveron en suspenso este evento. Finalmente estase a realizar para atraer turistas pero dun xeito diferente ao que viña sendo habitual. Cada familia artesá abrirá as portas do seu taller máis horas, tanto por semana como a fin de semana.

O mundo da música tradicional chora a perda de Pepe Temprano, un dos grandes gaiteiros galegos, que formou parte dos Tempranos de Eirís ou Lembranza. O enterramento terá lugar hoxe ás 13 horas.

'Mad:ame' atópase entre o dixital e o analóxico

A Asociación de Gaiteir@s Galeg@s está a impulsar a redacción dun texto con medidas específicas para facer fronte á crise derivada da emerxencia sanitaria desde o sector da música e o baile tradicional. Isto leva a pór o foco nas necesidades do asociacionismo como alicerce fundamental deste patrimonio.

Hai pouco máis dunha semana, distintos colectivos celebraban que a Xunta fixese caso das alegacións presentadas ao texto para a declaración como Ben de Interese Cultural do baile e a música tradicionais. Seguindo o seu exemplo, e para festexarmos tamén a boa nova, queremos cartografar as diferentes opcións para aprender estas dúas manifestacións da nosa cultura sen necesidade de saír da casa. En tempos de cultura dixital, videotutoriais non faltan.

O documental 'Dorothé na vila' pon face ás informantes de Dorothé Schubarth

En 2018, as asociacións do colectivo XOC conseguían que a Xunta puxese en marcha o proceso para declarar o baile galego como Ben de Interese Cultural. Porén, a redacción do texto non contentaba a todo o universo tradicional. Vén de publicarse do DOG unha resolución que promete unha nova proposta que escoite as alegacións apresentadas.

A cestería é toda unha arte, unha tradición moi arraigada na Galiza que forma parte da artesanía galega xunto a outros oficios tradicionais

O proxecto Pesquedellas promove o audiovisual para explorar a tradición

A descuberta da danza do abellón, rito mortuorio descrito nun poema de Alfredo Brañas, foi a chispa que puxo en marcha un dos últimos traballos d'aCentral Folque. Proxecto de faces múltiples, entre o pedagóxico, o antropoloxólico e o experimental, Abellón propón unha reflexión sobre a función e o papel das abellas a nivel simbolóxico e cultural, ligando prácticas da sociedade galega con outras universais. 

Baile, festa e tradición. Tal é a promesa da Banda de Lombás, unha formación que nace para reivindicar esas formacións de vento madeira e metal "que facían as verbenas antes das grandes orquestras". O repertorio mestura gravacións de campo con composicións propias. O director, Mario G. Cortizo, fálanos da procura de novas sonoridades para actualizar a tradición.

Anxo Moure é o Apalpador. Cando menos, nos espectáculos que leva anos oferecendo para dar a coñecer entre as crianzas de todo o país esta personaxe da serra do Courel, recuperada como unha forma propia de celebrarmos o Nadal. Escritor e contacontos, enfoca o seu traballo de divulgación cara aos valores do ecoloxismo e o ecopacifismo, aproveitando a figura do carboeiro de maneira pedagóxica.