O Festaclown comeza esta segunda feira en Vilagarcía
A Fundación Tchyminigagua e a compañía 7Bubbles serán os encargadas de abrir o festival.
Esta segunda feira, 19 de agosto, unha ruada dará comezo en Vilagarcía de Arousa (O Salnés) á IX edición do Festaclown. Neste Animaclown estarán a Fundación Tchyminigagua con Tchimizayaguas, e a compañía 7Bubbles con Menina. Compañías galegas e internacionais desfilarán polo Festaclown 2024, un evento con vontade de xerar espazos de diálogo intercultural e interxeracional, para facer da risa unha ferramenta para a empatía e a transformación social.
Nesta edición do Festaclown achegaranse a Vilagarcía compañías galegas, nacionais e internacionais de alta calidade, desde a vontade que sempre ten o Festaclown de xerar espazos de diálogo intercultural e interxeracional, nos que descubrir novas culturas e formas de vida e facer da risa unha ferramenta para a empatía e a transformación social.
O festival divide a súa programación en varios bloques temáticos, "Superroquiños" matutinos para a cativada, o Certame e a Mostra de tarde para público familiar. Ademais, dende os seus inicios o festival avoga pola cultura accesíbel a todos os públicos, tamén dende a creación. Por iso, dentro do seu apartado social podemos encontrar varios espectáculos nos que participan compañías profesionais con artistas con discapacidade. Nesta ocasión contaremos coa colaboración da Asociación Con Eles e Igualarte.
Entre outras, estarán presentes as compañías Circ Colokolo (Marrocos), Tchyminigagua (Colombia), Zirko Txosko, Orain Bi ou Ameba teatre. En total o público poderá asistir a catro estreas absolutas e seis estreas na Galiza.