Portugal denuncia "eventos de perseguição da delegação israelita, a membros da Grécia, Suíça, Irlanda e Países Baixos"
Membros da delegación portuguesa no Festival da Eurovisión, cuxa final se realiza este sábado en Malmo, en Suecia, afirmaron ter visto "eventos de perseguição da delegação israelita, a membros da Grécia, Suíça, Irlanda e Países Baixos" na sala da Malmo Arena, segundo avanzou a RTP, a canle pública lusa.
A noticia é avanzada pola RTP, que menciona que os eventos de persecución terían tido lugar na zona de 'backstage' próxima á delegación portuguesa, segundo recolle Expresso. Por ese motivo, Portugal tería pedido á Unión Europea de Radiodifusión, organizadora do festival, unha reunión de emerxencia que tivo lugar este sábado.
Detencións
A poucos minutos do inicio do Festival da Eurovisión da Canción, rexistráronse varias detencións en Malmo no marco da da manifestación en solidariedade con Palestina e contra a participación de Israel. A final vai decorrer este sábado a partir desde as 21 horas.
Nesta manifestación miles de persoas protestaron na cidade de Malmo (Suecia), unhas 8.000 segundo as autoridades, en solidariedade con Palestina e contra a participación de Israel no festival musical que ten lugar este sábado, mais a controversia vai máis alá.
Polémica
Neste contexto, a anterior participante de Noruega, a cantante Alessandra Mele, que ía ser a portavoz dos votos do xurado deste Estado, decidiu apearse do seu labor nun comunicado a través de redes sociais no que se mostrou solidaria co pobo palestino.
Pola súa parte, os apupos que xa se deran na semifinal contra a participante de Israel, Eden Golan, multiplicáronse durante os últimos ensaios que tiveron lugar horas antes do comezo da galega deste sábado, que ten o inicio programado ás 21 horas.
Durante a quenda de Francia, xa na recta final das actuacións, produciuse outro momento destacado. Slimane interrompeu a súa interpretación de Mon Amour durante os ensaios para pronunciarse e pedir a paz, arrincando os aplausos do mundo.
Ademais, Bambie Thug, a representante de Irlanda, ausentouse dos ensaios este sábado para pór en coñecemento da organización unha queixa polos comentarios pexorativos cara a ela na retransmisión da semifinal de KAN.
O caso dos Países Baixos
O representante dos Países Baixos no festival de Eurovisión, Joost Klein, non participará na final do certame musical que terá lugar este sábado despois dun un intento de "intimidación" a unha integrante do equipo de produción, segundo fixo saber.
A delegación neerlandesa recoñeceu que o cantante se dirixiu cun xesto agresivo á integrante do equipo de produción, mais que a cousa non foi máis alá e non houbo ningún tipo de contacto físico, polo que consideraron a decisión de desproporcionada.
A expulsión chega despois de que o cantante neerlandés se fixese viral nas redes por unha intervención na que animaba a responder a pregunta dun xornalista á representante de Israel sobre o aumento da inseguridade pola súa presenza no festival.