A terza feira prevese que Shigeru Ishiba sexa elixido polo Parlamento como novo primeiro ministro do Xapón após ser designado novo líder polo Partido Liberal Democrático (PLD), que goberna o país asiático. A segunda, Ishiba anunciou que disolverá o lexislativo e convocará eleccións xerais para o 27 de outubro.
Unha vez que o conservador PLD nomea un novo liderado e este asume a dirección do Goberno adoita convocar eleccións para concentrar o voto e evitar a perda de apoios derivada da acción de Goberno.
Así e todo, nestas votacións terá que enfrontar os múltiples escándalos que sacudiron nos últimos anos o PLD, e que foron claves na renuncia do aínda primeiro ministro Fumio Kishida.
