O xuíz rexeitou tomar as medidas cautelares contra o proceso participativo do 9-N que este mesmo domingo pediu UPyD, porque "non teñen proporcionalidade e non hai neste momento razóns de urxencia ou relativas á orde pública que aconsellen a súa adopción".
Ademais, "o substrato político e de normativa constitucional que evidentemente latexa baixo estes feitos non corresponde solucionalo aos tribunais da xurisdición penal ordinaria e menos pola vía de urxencia", segundo di o auto tras recibir o informe de Fiscalía.
UPyD denunciaba ao presidente da Generalitat e a varios conselleiros e pedía pechar os edificios públicos onde se vota este domingo, así como “incautar” todo o material utilizado e deter aos responsábeis.
Con todo, o xulgado de garda de Barcelona admitiu a trámite esta e outras dúas denuncias -unha da estrema dereita de Plataforma per Catalunya e outra dun concelleiro do PP- e investigará se hai delitos en función da orde española