Viaxe a unha botica de hai medio século

Na Galiza quedan moitos restos do pasado e de tipoloxía moi diversa que se poden descubrir en museos e incluso en vilas abandonadas. En Doade, no concello de Beariz (O Carballiño), podemos facer unha viaxe no tempo para regresar a 1975 e entrar nunha botica como se nada tivera pasado desde entón. Todo está como se nos atoparamos cincuenta anos atrás e foramos a unha farmacia desa época para mercar algo que tratara de aliviar unha dor.