O Consello Nacional do BNG deulle este sábado 9 de novembro o seu aval a unha proposta de resolución para a formación frentista concorrer en coligación coas forzas nacionalistas e soberanistas de esquerda de Euskadi e Catalunya.
Nunha cimeira que congregou a unha vintena de representantes locais, alcaldías e concelleir@s o BNG deseñou unha estratexia política para "combater a folla de rota" dos gobernos do PP e a Troika.
As formacións políticas encetan a recta final cara á configuración das candidaturas coas que concorrerán ás europeas en 2014. EH Bildu, BNG e ERC poderían candidatarse de maneira conxunta nunha coligación aberta tamén ás CUP, Nós-UP, Anova, PSM ou Solidaritat, entre outros.
O barómetro de outubro do Centro de Investigacións Sociolóxicas (CIS) concede á fronte nacionalista unha estimación de voto do 1,1%. Nas eleccións xerais de 2011 obtivera o 0,75%. O CIS sinala tamén unha recuperación do PP a respecto de sondaxes anteriores (34%), unha queda do PSOE (26,8%).
Alcaldes e alcaldesas nacionalistas participarán nunha cimeira municipal (sexta feira 8 de novembro, 11 horas, Compostela, Nave de Vidán) para sumar experiencias e esforzos para activar estratexias contra as medidas anti-sociais dos gobernos central e autonómico. Tamén queren amosar que, malia crise, pode gobernarse doutra maneira.
A deputada Ana Pontón solicitou que o goberno galego se faga coas obras de arte das extintas caixas, cando o banco no que estas se tornaron está a piques de ser vendido polo que agora é seu dono, o Estado. "Pode darse o esperpento de ter que destinar cartos públicos para recuperar unhas obras de arte que xa son nosas", advirte Pontón.
Presentará mocións en todos os municipios onde ten representación inspiradas no "espírito de Riotorto" contra medidas coma o repagamento dos fármacos porque "queremos que a Xunta desobedeza a Madrid e siga a cubrir medicamentos que hoxe teñen asignación orzamentaria pública".
A organización frontista valora nun comunicado a sentenza emitida polo Tribunal de Estrasburgo e di que esta "cuestiona a política penitenciaria" do Estado español. O Bloque exixe, asemade, que os organismos xudiciais "acaten" o fallo e "restitúan a legalidade violentada".
![Xavier Vence e Francisco Jorquera [M.Montero]](/asset/zoomcrop,480,270,center,center/media/nosdiario/images/2013/10/18/2013101812593648440.jpg)
O BNG considera que as medidas anunciadas por Alberto Núñez Feijóo son un exemplo do "proceso de renuncia" e "entrega" do autogoberno aos intereses "recentralizadores" do PP. Aliás, alertan á cidadanía da perda de democracia que suporá a redución de parlamentares prevista polo goberno da Xunta.
Unha acción reivindicativa do grupo municipal do Bloque diante do Concello denunciou a "irresponsabilidade política para coa cidadanía" que supoñen os procesos xudiciais abertos contra membros dun executivo municipal que "parece que xoga a ver quen ten máis imputacións".
A fronte nacionalista opúxose no Congreso ao o proxecto de Lei de Caixas de Aforros e Fundacións bancarias por centralizadora e prexudicial para a maioría social.
O grupo parlamentar nacionalista reaxe contra as limitacións impostas e presenta o duplo de iniciativas das permitidas. "Galiza ten máis de 50 problemas", din. Todas as forzas da oposición visan achegar unha "alternativa" de goberno ao PP.
Ataque de Feijóo ao portavoz do BNG. "Vosté representa a Galiza, pero Bildu ou ERC non representan a Galiza", dixo. O presidente da Xunta reprochou a Jorquera que criticase as medallas Castelao [en realidade, brincou con que Feijóo non sabe ben quen é Castelao]. "Castelao non era independentista", dixo Feijóo.
![Alberto Núñez Feijóo [M. Montero]](/asset/zoomcrop,768,432,center,center/media/nosdiario/images/2013/10/15/2013101513183983950.jpg)
O BNG avanza que fará do debate sobre o estado da nación unha "confrontación de modelos" e que non contribuirá, dixo o seu portavoz parlamentar, a facer da Cámara "un circo e un espectáculo".
Segregar os centros de Ferrol de Navantia e crear unha empresa pública galega é a estratexia que o BNG defende para o sector naval nunha situación que define como “límite tras anos de promesas incumpridas”
O BNG debate nunhas xornadas abertasen Compostela as estratexias e alternativas á megaminaría. Ambientalistas, economistas, biólogos, representantes veciñais... analizan os impactos destes proxectos, debaten sobre medidas correctoras e sustentabilidade
As tres formacións soberanistas -BNG, Amaiur e ERC- levarán a vindeira terza feira á Cámara española o debate sobre o dereito a decidir dos pobos a través dunha proposición non de lei conxunta. Unha iniciativa que chega tras o reiterado veto da mesa do Congreso a tramitar unha lei que recoñeza o dereito a decidir.
Através dun comunicado pendurado na súa web, a frente nacionalista xulga a operación contra Herrira como un "gravísimo ataque aos dereitos democráticos".
En conferencia de imprensa, a dirixente de EU informou de que esta quinta feira a súa organización cursou "distintos convites á esquerda plural do país" para concorreren coligados a Europa. Un deses convites foi para o BNG.
O portavoz nacional da organización frontista, Xavier Vence, e a deputada do BNG no Congreso español, Rosana Pérez, denuncian o carácter "virtual" das partidas orzamentarias destinadas a Galiza e aseguran que as contas "non están pensadas para saír da crise" senón para engordar os lobbies da banca, as construtoras e as eléctricas.
