Palestina

Centos de palestinos foron detidos e no mínimo 103 asasinados desde o pasado 7 de outubro na rexión de Cisxordania, onde a violencia segue a medrar día tras día con fortes controis militares e policiais e múltiples ataques dos colonos israelíes. Entre tanto, a Media Lúa Vermella denuncia ataques "deliberados" moi perto do Hospital Al-Quds, que este mesmo domingo aseguraron que recibiu un aviso de "evacuación inmediata" ante a inminencia dun bombardeo.

"Acabamos de recibir serias ameazas das autoridades da ocupación para que se evacúe inmediatamente o Hospital Al-Quds, porque vai ser bombardeado. Desde esta mañá houbo ataques a 50 metros de distancia do hospital", asegura a oenegué.

Os máis de dous millóns de persoas residentes na Faixa viven as horas máis críticas logo de que o Exército israelí urxise novamente o desaloxo de toda a rexión norte e advertise que a cidade de Gaza ao completo, a máis poboada, será considerada "campo de batalla" cando accedan as súas tropas. 'Nós Diario' recibe o testemuño de Gaith Al Rayyes, un mozo palestino de 21 anos que relata o cruento día a día no interior do enclave.

O Exército israelí urxe a evacuación de todos os residentes do norte da Faixa, un aviso que a ONU e as oenegué consideran unha manobra ilegal de desprazamento forzado.

Centos de persoas percorren a capital galega nunha xornada marcada polo temporal e na que o Exército israelí intensificou a súa ofensiva sobre Gaza.

A balanza comercial (importacións e exportacións) da Galiza con Israel pasou dos 86,35 millóns de euros en 2019 aos 178,84 millóns en 2022. E só entre xaneiro e agosto do presente ano xa se superaron os datos de todo 2020.

Máis de 7.300 persoas morreron asasinadas polos ataques israelíes en Gaza, unhas 3.000 menores de idade, desde o pasado 7 de outubro. Todas as comunicacións están cortadas, a prensa internacional non pode acceder e Israel xa non garante a integridade dos xornalistas que xa estaban na Faixa. "O silencio de Gaza agora trona. A historia xulgará a todos", denuncian desde a ONU.

Sami Ashour naceu en Khan Younis, no sur da Faixa de Gaza, unha localidade bombardeada repetidamente por Israel logo de reclamar á poboación do norte do territorio palestino que fuxise cara alí por ataques inminentes. É o presidente da Asociación galaico-árabe Jenin, unha das entidades convocantes da manifestación que hoxe partirá ás 18 horas da Alameda de Santiago de Compostela.

Podería producirse un intercambio de presos para facilitar a tregua. Até esta sexta feira, máis de 7.300 palestinas e palestinos, incluídas máis de 3.000 crianzas, foras asasinados polos bombardeos indiscriminados de Israel.

Israel intensifica os ataques sobre unha Gaza totalmente incomunicada e á que a prensa internacional non pode acceder.

"A falta de combustíbel leva ao fechamento de hospitais e panadarías. A xente termina en refuxios en condicións cada vez máis duras, saturados, sen apenas saneamento e bebendo auga en mal estado, o que achega a pantasma de que haxa gromos de enfermidades", alertan desde Nacións Unidas, nunha xornada na que a ofensiva israelí, segundo alertan a 'Nós Diario' fontes desde Palestina, alcanza un nivel inusitado.

A cidade de Gaza, no centro, foi bombardeada na madrugada desta sexta feira pola aviación israelí sen previo aviso contra unha casa de catro plantas, causando a morte de polo menos dez civís.