Audasa

As tarifas, que se actualizan en función da variación do IPC, incrementaranse en perto de 9%.

Autoestradas do Atlántico (Audasa) foi condenada a devolver 50% das peaxes a 21 persoas físicas e xurídicas durante o transcurso das obras na ponte de Rande, na ría de Vigo, entre 2015 e 2018. Esta quinta feira, a Fiscalía mantivo a petición de seis anos de cadea contra a ex tesoureira da empresa por apropiarse de 1,2 millóns de euros. Ademais, Audasa pasa a control dun fondo privado de pensións neerlandés.

A concesionaria da AP-9 acumula compensacións millonarias por parte da Administración do Estado español.

Un veredicto da Xustiza europea obrigou o Goberno italiano a licitar de novo a concesión dunha autoestrada que pasou de mans públicas a privadas.

A concesionaria da AP-9 obtivo en 2021 un 20% máis de proveito que antes da pandemia.

Malia o final do prazo para que o Executivo estatal enviara as alegacións á Comisión Europea polo expediente da prórroga da AP-9, declinaron facer públicos os argumentos para evitar a sanción comunitaria.

O 23 de xaneiro remata o prazo que a Comisión Europea fixou ao Estado español para facer as súas alegacións sobre as prórrogas ilegais a Audasa pola concesión da AP-9, porén, aínda non se produciu ningún paso para "rectificar as ilegalidades".

A empresa concesionaria dos autobuses urbanos en vigo considera que o Concello debe indeminizala pola baixada de ingresos que aconteceu durante o estado de alarma. Dáse a circunstancia de que dá este paso após conseguir unha ampliación do contrato durante a crise da Covid-19.

A concesionaria da autoestrada que vertebra a costa atlántica galega advirte de que pedirá unha indemnización se perde a xestión, e en consecuencia os ingresos das peaxes, da infraestrutura. Alude así ao procedemento de infracción aberto contra España pola Comisión Europea por autorizar a última prórroga sen unha licitación pública. A compañía xa ten reclamada unha compensación pola caída do tráfico durante o estado de alarma.

Insta o Goberno a pagar a Audasa os 13,8 millóns que deixou de cobrar nas peaxes de Rande e A Barcala

A Comisión Galega da Competencia estima que as prórrogas da concesión da AP-9 a Audasa "non poden ser ben valoradas desde o punto de vista da competencia". Advirte ademais de que as compensacións á empresa polas obras de Vigo e Santiago son "excesivas" e poden ser consideradas como axudas de Estado.

As dúbidas sobre as prórrogas da concesión e o prezo das portaxes da AP-9 pairan desde hai décadas. A comezos de 2004, o Tribunal de Contas cuestionou a exención de impostos á empresa concesionaria e en 2020 o Consello Consultivo advertiu de “quebrantos á legalidade” no convenio asinado en 2011 entre a Autoestrada do Atlántico (Audasa) e o Estado español. Na mesma liña, o pasado 24 de setembro a Comisión Europea considerou ilegal a prórroga de explotación aprobada polo Goberno de Aznar en 2004, denunciando o 30 de setembro a Comisión Galega da Competencia novas irregularidades.

O Estado ten dous meses para presentar alegacións, mais a dureza dos argumentos da Comisión Europea e a advertencia a Italia de xudicializar o proceso pola mesma ilegalidade, dificultan que España poida xustificar até tres ampliacións en contra da lexislación da Unión Europea.

Unha inspección de seguridade do Ministerio de Transportes, Mobilidade e Axenda Urbana revela que hai “elementos susceptíbeis de mellora” no mantemento da infraestrutura galega nos que a concesionaria non estaría a facer o suficiente investimento.

Unha sentenza recente anulou a condena que obrigaba á concesionaria da autoestrada a devolver as cotas das portaxes a usuarias e usuarios afectados polas obras de ampliación da ponte de Rande.

O tráfico pola autoestrada reduciuse en 2020 un 28%.

A concesionaria da infraestrutura fora condenada a devolver os importes das portaxes pagadas por usuarias da autoestrada mentres se realizaron as obras de ampliación da ponte de Rande, entre 2015 e 2018.

As entidades convocantes tamén solicitan que un tramo pase a ser considerado zona urbana. Na marcha reivindicativa participaron algúns representantes políticos como o deputado do BNG no Congreso Néstor Rego, que reclamou ao Estado español que atenda ao acordo da investidura sobre a autoestrada. Por outra parte, o presidente da Xunta, Alberto Núñez Feixoo, lamentou que o Goberno de Sánchez reclame ante a Xustiza contra Audasa por 26 millóns de euros que pide esta última, pois pensa que acabarán "pagando os galegos".

Gonzalo Caballero explica aos medios as negociacións entre o Goberno do Estado e Audasa polas peaxes da AP-9, durante a súa visita á alcaldesa de Redondela, Digna Rivas.