En Ourense, na cidade na que saiu publicada a revista hai 93 anos, celebran o mércores día 30 de Outubro o “Día de Nós”. Quen promove a programación da xornada é unha asociación creada xa para preparar o centenario da publicación, dentro de sete anos.
A cantante Begoña Lorenzo pon voz a once Cantares de Rosalía no disco “Rosalía de Castro: Os ollos que falan”, de Tempo Catro, que vén de publicar a AS-PG. Para Begoña Lorenzo, as novas composicións, danlle outro ritmo á poeta, “máis viva e combativa”.
O venres día 1 estrearase a través da plataforma Filmin a curta Polaroid, dirixida por Chema Montero baseada na novela de Suso de Toro.
Lewis Allen Reed perde en todas e cada unha das categorías nas que teimamos en analizalo a raíz da súa morte, aos 71 anos: simpatía, fermosura, educación, glamour, empatía... Só gaña nunha: as cancións. E diso é do que se trata, non é?
A necesidade de apostar polas literaturas infantil e xuvenil nacionais foi unha das conclusións da Federación Galeusca que se reuniu esta fin de semana en Pontevedra. Representantes das literaturas galega, catalá e vasca reafirmáronse na súa oposición á LOMCE.
Iniciativas novidosas, con alcance, transversais e con implicación social. Son as características que a Asociación Culturgal valorou á hora de seleccionar os tres proxectos que serán sometidos á votación popular. Un deles será o gañador da primeira edición do Premio do Público Culturgal que se entregará na feira das industrias culturais o día 1 de decembro.
A Federación Galiza Cultura impulsa unha campaña “pola titularidade pública e o desfrute universal”do patrimonio artístico acumulado polas caixas desde mediados do XIX. Chaman a colectivos, entidades, organismos e á cidadanía a se sumar a esta iniciativa.
O escritor Xosé Mª Lema regresa máis unha vez á Costa da Morte para presentar a súa primeira novela, a obra na que recrea literariamente o seu territorio vital e de investigación. O escritor presenta en Ponteceso Costa do Solpor (Xerais).
O sábado día 26, ás 12 horas, a Asociación Cultural Xermolos máis a Irmandade Manuel María celebran a obra de Xesús Rábade e Helena Villar en Vilalba.
Os da Ría pechan a xira do “Disco díscolo” cun concerto no Teatro Principal de Pontevedra este sábado día 26. Con “voces aveludadas nun punto delicioso”, non se resistiron a candidatarse á alcaldía, unha vez non prosperaron as súas propostas para presidentes de Agadic, da Real Academia Galega ou da Consellaría de Educación.
Lamentou non ter tido “nais” teatrais mais unha nova xeración de actrices recoñeceuna como a súa “mestra”. A actriz Mabel Rivera foi protagonista da homenaxe da Comisión de Igualdade do Consello da Cultura Galega.
Un tesouro de valor incalculábel para o noso patrimonio deixou de estar hoxe á vista do público despois de que a familia de Álvaro Gil retirase a colección que depositara no Museo de Lugo. Cunha furgoneta e un notario, os familiares levantaron a colección sen previo aviso e sen informar do destino que lle deparan.
O secretario xeral da Consellaría de Cultura, Anxo Lorenzo, presentou na tarde do día 24 a novela “Amor en un campo de minas”, escrita en español pola estremeña Milagros Frías. A Xunta informou do acto de maneira oficial con nota de prensa e entrada na web.
A Xunta de Galiza, a través de Agadic, monta este ano a primeira edición do Mercado das Industrias Culturais Atlánticas na Cidade da Cultura a tres días da celebración de Culturgal, a Feira das Industrias Culturais en Pontevedra. A Xunta reduciu en máis do cincuenta por cento o apoio económico ao Culturgal, feira promovida polos diversos sectores das industrias culturais galegas.
Un grupo de filólogas da Universidade de Vigo traballan en parcería con especialistas de São Paulo para a elaboración dun dicionario de termos sobre a crise económica. A prensa é a fonte para a elaboración do corpus semántico.
A Comisión de Igualdade do Consello da Cultura dedica á actriz Mabel Rivera a súa xornada anual dedicada a recoñecer a traxectoria dunha muller nalgún dos ámbitos culturais ou sociais. “Escénicas. Mabel Rivera” desenvolverase este xoves día 24 coordinada por Dolores Vilavedra e Inma López Silva.
Prolingua celebra a través dun comunicado a admisión a trámite por parte do Tribunal Supremo do recurso de casación presentada pola Real Academia Galega, en tempo da presidencia de Ferrín, contra o Decreto de Plurilingüísmo. Destacan que é a primeira vez que un recurso en defensa do galego chega ao Supremo e pídenlle á RAG que continúe coa defensa xurídica do galego.
O concerto das neoiorquinas The Chiffons pechará este sábado 26 de Outubro o Outono Códax Festival. A banda actúa en Santiago no seu único concerto do Estado coa mítica Judy Craig como protagonista.
O Festival Internacional Outono Teatro (FIOT) de Carballo recoñecerá o sábado 26 ao actor Xosé Manuel Olveira “Pico” coa concesión do Xograr de Outono 2013 a título póstumo.
Un video-poema da galega Iolanda Gomis é un dos doce finalista da Mostra Londrix 2013 Video-Poema da cidade de Londrina, no Paraná do Brasil. A través da rede pódese votar por “Filha das acácias” até o 1 de novembro
