cultura

Actores, atrices e músic@s deste país continúan a súa vaga de mobilizacións fronte a política de recortes do goberno galego en materia cultural. Após o feche no Gaiás, proseguirán con accións visando un cambio de rumbo da Consellaría de Cultura.

A Asociación Internacional de Estudos Galegos vén de facer pública a súa decisión de non recoller o Premio da Cultura Galega 2012 na modalidade de promoción cultural no acto que se celebrará mañá xoves na Cidade da Cultura. A entidade tomou a decisión en apoio ás traballadores e traballadoras das artes escénicas e musicais.

A Compostela histórica poderíase percorrer case na súa totalidade a través da figura de Rosalia de Castro. A Agrupación Cultural O Galo partirá da Praza de Vigo o sábado 23 ás 17:00 para se atopar coa súa memoria.

A Asociación Galega de Editores prepárase para a súa festa anual que terá lugar o 15 de marzo en Vigo, na que se darán a coñecer quen gañará cada unha das dez categorías dos seus premios anuais do que veñen de facer públicos os nomes finalistas.

Mil euros e publicar o artigo en doce medios de comunicación -entre eles, Sermos Galiza- que colaboran no concurso é o galardón de quen gañe o IX Premio a Artigos Xornalísticos Normalizadores que convoca o Concello de Carballo.

Quico Cadaval, Paula Carballeira, Cándido Pazó, Xabier P- Docampo ou Manuel Rivas son algúns dos nomes que se atopan no Fetival Atlántica de narración oral que terá lugar do 5 ao 16 de marzo en Compostela.

A policía impediu hoxe que a escena galega puidese realizar unha comparecencia perante a imprensa na Agadic, no Gaiás. Perto de cento profesionais do sector voltaron á Cidade da Cultura após teren sido desaloxados onte á noite. Si atenderon os xonralistas ao ar libre, entre os berros dos manifestantes. Exixiron os cesamentos do conselleiro e do secretario xeral de Cultura, Jesús Vázquez e Anxo Lorenzo, respectivamente.

O desaloxo da Plataforma Galega das Artes Escénicas e Musicais do seu feche no Gaiás non desanimou o sector. Hoxe recibiron aos medios de comunicación na mesma porta de AGADIC.

Pasaban as nove da noite cando un amplo despregamento policial desaloxaba os membros da Plataforma das Artes Escénicas das oficinas da Agadic. Tiñan previsto pasar a noite no Gaiás, en sinal de protesta pola situación do sector.

En asemblea e por maioría, os profesionais das artes vivas deciden manter a ocupación pola noite. A Policía segue presente e advirte que non deixarán entrar a ninguén que abandone o local. Os manifestantes prepáranse para durmir esta noite sen alimentos e vixiados pola policía.

Desde que no mes de outubro, Xoán Carlos Fasero anunciara o abandono do seu posto de xerente para facerse cargo da SGAE do Noroeste, a AGADIC ficou descabezada e boa parte das liñas de acción, paralisadas. Co malestar cada vez máis acusado do sector, veñen de abrir unha convocatoria para cubrir o posto e, xa na brincadeira, "Os da Ría" anuncian que se presentan.

O audiovisual galego ten as súas opcións nos Goya 2013, que se entregan esta noite. O Apóstolo, de Fernando Cortizo, concorre como mellor filme de animación, en tanto que o escritor Manuel Rivas opta ao premio ao mellor guión adaptado por Todo es silencio.

Ken nos Keima, tema en solitario da 'Bolboreta', pon o acento galego no disco Lo peor de la rumba, unha iniciativa do Bar Mariatchi de Barcelona e con Manu Chao entre @s argalleir@s da que fan parte recoñecidas bandas do talle de Che Sudaka ou La Pegatina. Podes escoitar xa Ken nos Keima en Radio Sermos.

Colectivos sociais, concellos e centros de ensino prepáranse para conmemorar o máis multitudinario Día de Rosalía. A Asociación de Escritores en Lingua Galega (AELG) botou a andar unha convocatoria colectiva que terá o seu acto máis solemne o día 24 en Bonaval. A república das letras pídelle á cidadanía que se agasalle cun libro e unha flor no Día de Rosalía.

“Ben-Cho-Shey, o triunfo do ideal” é o título do especial co que o número 35 de Sermos Galiza se achega á figura do político, xornalista, etnógrafo e escritor galeguista. Artigos arredor da súa vida e traxectoria intelectual e política, imaxes singulares e textos inéditos compoñen o caderno especial.

A Alborada soará interpretada por centos de gaiteiros e gaiteiras por todo o país na mañá do 24 de febreiro. Anuncian o inicio do programa de actos oficiais para a conmemoración do 150 aniversario de Cantares Gallegos promovido pola Fundación Rosalía, a Real Academia Galega e a Universidade de Vigo.

Onze autores, quatro continentes, cinco países e uma língua comum. A desaparição do crânio de Castelao do panteão de Bonaval coloca a andar a trama do folhetim que começa a se publicar no semanário Sermos Galiza, neste número 35 que já se acha nos quiosques.

Depois de denúncias feitas, em 2011, pelo antigo motorista de Neruda, de que ele teria sido envenenado, a justiça chilena pretende esclarecer se o poeta foi assassinado pela ditadura de Pinochet.

Descobrir unha das grandes figuras da nosa historia é o obxectivo da exposición Ben-Cho-Shey. 50 anos de maxisterio cultural (1918-1968). A música de Mini e Mero e a lectura dramatizada do seu Diario de Lugo abrirán a mostra hoxe día 14 ás 20 horas no Museo de Lugo