"Un dos puntos fortes do feminismo galego é o seu poder inclusivo"
María Reimóndez (Lugo, 1975) foi unha das mulleres que leron o manifesto da mobilización feminista do 3 de marzo. Conversamos con ela sobre a xornada reivindicativa do 8 de marzo e sobre a situación do movemento feminista na Galiza.
A fenda salarial chega ao 27,5% na Galiza
Tomándomos como referencia o soldo, as mulleres cobran na Galiza 4.431 euros menos que os homes, o que representa un 27,5%. Son datos das Técnicas e Técnicos do Ministerio de Facenda (Gestha).
O feminismo galego ponse en marcha cara ao 8M
Decenas de convocatorias en cidades e vilas de todo o país chaman as mulleres a pararen a produción esta sexta feira 8 de marzo con motivo da greve polo Día Internacional da Muller Traballadora.
"A onda ultraconservadora actual está tentando neutralizar o movemento a prol da igualdade de xéneros"
Anaír Rodríguez (Vigo, 1978) vén de publicar o segundo volume de "Pioneiras" (Xerais), un libro ilustrado no que recolle once biografías de mulleres galegas que abriron camiño nos seus respectivos eidos e que pretende fornecer de ferramentas ás novas xeracións para "reverter a falla de referentes femininos" que existe na sociedade, nomeadamente no ensino.
O machismo continúa nos dicionarios
Os dicionarios recollen o falar da sociedade. Porén, se a sociedade é machista, éo tamén a linguaxe? Debería a Academia dar exemplo e erradicar da nosa fala palabras e expresións que quedaron no pasado? Eis unha selección de palabras que continúan a arrastrar nesgos de machismo.
A coeducación centra a XVI Xornadas das Mulleres da CIG-Ensino e da AS-PG
O vindeiro sábado 23 de febreiro no IES As Fontiñas (Santiago de Compostela), terá lugar a vixésimo sexta Xornada das Mulleres, organizada por CIG- Ensino e a Asociación Socio-Pedagóxica Galega, desta volta centrada na coeducación.
Erguer súmase á folga xeral de mulleres do 8M
O sindicato estudantil Erguer. Estudantes da Galiza anunciou esta sexta feira 8 de febreiro o seu apoio á convocatoria de folga xeral.
"Moitas mulleres están a descubrir o feminismo nas redes porque nos foi negado nas aulas"
TowandaRebels son Teresa Lozano e Zúa Méndez, dúas actrices e escritoras que após deixaren os seus respectivos traballos decidiron lanzarse de cheo ao activismo feminista. Contan cunha canle en Youtube con milleiros de visualizacións e acaban de sacar un libro, #HolaGuerrera. Sermos Galiza fala con Teresa Lozano.
Centos de persoas nas rúas galegas na resposta feminista contra “as políticas fascistas”
Concentracións en cidades e vilas para se solidarizar coas mulleres andaluzas e rexeitar a axenda “machista” da dereita máis dura.
Millóns de mulleres indias forman un muro de 620km pola igualdade
A reivindicación xorde após o levantamento do veto á entrada de mulleres no templo de Sabarimala en Kerala. As cifras que se manexan apuntan a un número entre catro e cinco millóns de mulleres.
O Concello de Pontevedra presenta a web "Do gris ao violeta"
O programa da Concellaría de Patrimonio Histórico leva dende 2013 realizando diferentes iniciativas co fin de investigar, documentar e divulgar a vida das mulleres pontevedresas. Após cinco anos de longo percorrido, o Concello presenta agora unha páxina web na que comparte todos os materiais recollidos até o momento.
A CUT convocará folga de mulleres para o 8M
Greve de 24 horas cunha convocatoria legal dirixida exclusivamente para as mulleres, informa o sindicato.
“Aínda non temos interiorizado que o mundo é diverso”
Remei Sipi (Rebola, Guinea Ecuatorial, 1952) é unha africana da diáspora. Emigrou a Catalunya en 1968, ano en que Guinea Ecuatorial deixou de ser colonia española. As súas orixes están na illa de Bioko, onde teñen unha palabra para alentar a estima das mulleres. Waiso, en bubi, quere dicir ‘muller érguete, espílete, dignifícate’, un adaxio que lle valeu para traballar desde o activismo cultural e de xénero. Acaba de estar na Galiza para debater sobre feminismo, migración e a experiencia das mulleres africanas. Eis un extracto da conversa publicada no número 325 de Sermos Galiza.
“Queremos poñer en valor a muller como creadora”
O próximo sábado, día 8, a cultura vístese de longo para celebrar a Gala do Ano da Lingua que organiza a Deputación de Pontevedra. Será ás 20 horas no Auditorio de Goián, no Concello de Tomiño. As entradas, de balde, xa están dispoñíbeis no propio concello. Conducida pola actriz Isabel Risco, a gala contempla unha performance realizada ad hoc pola poeta Tamara Andrés; un espectáculo aéreo a cargo de Rebeca Santos e as actuacións de Andrea Pousa, Leilía e A Banda da Loba. En canto á sesión matinal, que comezará ás 12 horas, inclúe o Concerto Punk infantil, para público infantil e familiar, e nunha actuación de Blues do País, nunha sesión vermú. Cóntanos máis Xosé Leal, deputado responsábel da área de Cultura da Deputación de Pontevedra.
De Citroën a Sergas: sete casos de loita das mulleres contra a desigualdade
A Secretaría das Mulleres da CIG impulsou unha campaña contra as discriminacións por razón de xénero no mundo do traballo. A primeira das mobilizacións será en Citroën.
“O relato dos sucesos de 1972 minimizou o papel das mulleres”
A escritora Ánxela Loureiro (Ferrol, 1956), autora de diversos títulos de literatura infantil e xuvenil, leva meses embarcada nun proxecto diferente: a investigación sobre as actividades políticas que realizaron as mulleres da bisbarra de Ferrol nos últimos anos do franquismo. Eis un extracto da conversa publicada no número 302 de Sermos Galiza.
As mulleres da música reivindican “lentes lilas”
Ao redor de vinte mulleres de todos os ámbitos da música galega tomaron parte da xornada organizada pola área de Cultura da Deputación da Coruña no marco do programa “A Cultura é un dereito”. Acordaron o documento “Cara aos lentes violetas na música” para reivindicaren igualdade.
“O persoal que implementa as leis de igualdade debe ter formación feminista”
A eurodeputada Lidia Senra participou na tarde do sábado na presentación do libro O feminismo, imprescindíbel para construír outra Europa que decorreu en Chantada. Durante os próximos días tamén terán lugar presentacións na Estrada e en Vigo.