música

Nico Casal é o compositor da música de Stutterer, unha curta escrita e dirixida por Benjamin Cleary que vén de ser seleccionada para competir nos Oscar.

Este domingo 29 de novembro a asociación cultural O Galo organiza unha fest-noz (foliada bretoa) na Nave de Vidán, que contará con músicos galegos e coa harpista bretoa Bleuenn Le Friec. 

As Xornadas chegan á súa cuarta edición con dezanove concertos que terán lugar do 10 ao 19 de outubro en diferentes espazos de Compostela. 

Pablo Carpintero, un dos principais expertos na música tradicional galega e concretamente na orixe da gaita de fol, abre os seus coñecementos ao público e ofrece unha palestra ao mes aberta ao público, que ás veces irá acompañada dun concerto e outras, de obradoiros didácticos. 

Era cuestión de tempo: desde que hai máis de un ano Ugia Pedreira anunciara que se retiraba dos escenarios e ía vivir a Rinlo, o mundo agardaba un novo proxecto e velaquí o está: o Coro da Mariña, que busca voces.

Mañá sábado 3 de outubro a Asociación de Gaiteiros Galegos organiza na Casa das Campás en Pontevedra a III edición das Xornadas arredor da Música Tradicional.

Neste ano 2015 non haberá Premios Martín Códax da Música galega, que se adían até 2016, pero -para compensar- créase o I Festival co mesmo nome, que terá lugar en Compostela do 15 ao 17 de outubro.

Regresa a Compostela para consolidarse xa como unha das opcións máis interesantes da 'reentrée' outonal e expándese por primeira vez fóra de Galiza. É o Outono Códax Festival, que estará con nós tres sábados consecutivos (19 e 26 de setembro, e 3 de outubro, na Sala Capitol) e o 2 de outubro en Xixón.

Arredor do documental “Por que non cantades todas” dirixido por Diana Toucedo artéllase a segunda sesión do ciclo documental “A nosa Terra, a Nosa Cultura” que se desenvolve no Museo Provincial de Lugo. As mulleres e a música tradicional son as protagonistas. 

Naceron como proposta efémera mais o encontro foi tan feliz que deu lugar a dous discos e unha morea de inesquecíbeis concertos. A Cada Canto despídese esta sexta feira cun concerto no festival Oca Folk.

Os tres teñen algo de Da Vinci e o seu espírito renacentista. Son os Talabarte e inspíranse na súa maridaxe da cociña coa música para promover a xira que bota a andar este domingo 7 de xuño no Dolmen de Dombate. Música en enclaves únicos máis showcooking a cargo o cociñeiro Xián Herrera. 

O día 29 deixa de emitirse o programa “Planeta Furancho” na Radio Galega Música. Contra o que poda parecer, a música non ficará en silencio. Esta quinta feira, sentirase na Praza do Toural nunha concentración ruidosa que reclamará a presenza da música galega na CRTVG. 

Ao vivo, con música, foi a concentración perante as instalacións centrais da CRTVG en San Marcos para esixir a continuidade de “Planeta Furancho” de Vituco Neira, recén retirado da programación. E non só iso, músicas e músicos aproveitaron para reclamar o regreso de “Aberto por reformas” de Xurxo Souto. 

Gil do Carmo presenta o seu traballo “A uma voz” no ciclo Sons´15 este sábado 23 no auditorio de Abanca. Luiz Caracol tocará en A Casa das Crechas a vindeira sexta feira. Dous dos novos e emerxentes nomes da música portuguesa en concerto en Compostela.