Novas da Galiza atribúe ao baltarismo a filtración das imaxes de Feijóo co narco Dorado
Segundo Novas da Galiza, tamén existen fotografías comprometedoras de Mariano Rajoy.
Segundo Novas da Galiza, tamén existen fotografías comprometedoras de Mariano Rajoy.
A question time da cuarta feira no Parlamento galego será monográfica: as relacións de Feijóo co narco Dorado. Question time é o nome que recebe a sesión de control en Westminster: as perguntas da oposición ao primeiro ministro. A diferenza de na Galiza, @s cidadáns poden acompañala en directo por televisión. Aquí a question time é peneirada polos informativos da CRTVG.
O narcotraficante que nos anos '90 mantivo unha amizade con Núñez Feijóo acreditada nunha polémicas imaxes filtradas pola imprensa foi imputado pola Audiencia Nacional española pola creación dun entramado dirixido a ocultar os beneficios que tiraba das drogas
A prensa mexicana faise eco estes días, co gallo da visita do presidente da Xunta ao país azteca, do escándalo das súas fotografías con Marcial Dorado. “Foron amigos. Un acabou de presidente e outro no cárcere por narcotráfico”
María Dorado, filla do narco preso en Topas, afirma nun programa de televisión que o seu pai nunca tivo unha relación "cercana" co presidente da Xunta, para alén de dicir que a publicación das imaxes perxudícalle a nivel penitenciario
Feijóo non foi quen de zanxar o asunto da súa estreita amizade co nartotraficante Marcial Dorado. Empregou a estratexia de atacar a oposición e de desviar a atención. Mas implicitamente recoñeceu que a Administración Fraga contratou con Dorado na época en que o mafioso viaxaba e ía de festas con Feijóo. O caso Feijóo continúa aberto porque o presidente da Xunta foi incapaz de dar resposta ás perguntas básicas do caso. Por que amagou con demitir en 2003 e agora se resiste a renunciar? Quen pagaba as viaxes? Cando realmente rachou a relación co narcotraficante?
O Valedor do Pobo métese a xornalista e considera que as fotografías de Feijóo co narco Marcial Dorado carecen de "interese informativo". Non o xulgou así a imprensa internacional, que as recolleu de forma moi destacada quer en papel quer nas edicións on line. José Julio Fernández sai así en defensa de Feijóo. Mentres, Rueda súmase ao coro dos que piden unha lei que estabeleza unha sorte de censura previa parapetándose na defensa do dereito das persoas a preservar a súa imaxe.
Feijóo lembrabase que había neve, mas non se aquilo era Andorra ou os Picos de Europa. Sempre falou dunha soa viaxe. Porén, hai máis.
O sector de Aguirre tamén quer saír no foco. Ignacio González, herdeiro de Esperanza Aguirre no trono madrileño, defendeu nunha entrevista radiofónica que se estabelezan "límites" á publicación de fotografías como a publicada por El País con Feijóo e Dorado como protagonistas.
Saímos á rúa para coñecer a opinión da cidadanía arredor das imaxes publicadas polo diario español 'El País' en que o presidente da Xunta aparece acompañado do narcotraficante Marcial Dorado
O portavoz nacional do BNG considera que as fotografías de Feijóo co narco Manuel Dorado só deixan unha opción ao presidente da Xunta, demitir.
Por orde do xuíz Taín, e no marco da coñecida como operacion South Sea, no período 2001-2003 foron gravadas conversas telefónicas entre Feijóo e o narcotraficante Marcial Dorado. Así o revelou o xuíz en conversas con varios medios. Isto significa que Feijóo mentiu cando afirmou que rachara todo contato con Dorado arredor de 1998 ao coñecer que tiña causas pendentes.
O PSdeG-PSOE non cre que o affaire Feijóo se reduza tan só a unhas fotografías. En expresión de Pachi Vázquez, "Unha relación estábel de 5 anos en iates e chalés, ten que dar máis de si". O PSdeG-PSOE solicita á Xunta que lle entregue as facturas de Sanidade e o Insalud entre 1992 e 1998 para comprobar se Feijóo, alto cargo, contratou coas empresas de Dorado, através do seu testaferro.
Italia, Irlanda, Alemaña ou Francia. As fotografías do presidente da Xunta cun narcotraficante acaparan presenza na prensa internacional, que mostra abertamente a súa sorpresa por esta relación, por moito que acontecese hai anos.
En senllas entrevistas coa Cope e Onda Cero, Feijóo apuntou esta mañá o PSOE como indutor da publicación das súas fotografías co narcotraficante Marcial Dorado. El País nega a versión do presidente.
Pode ser presidente do Goberno quen mantén unha estreita amizade aos 34 anos cun connotado contrabandista que co decorrer dos anos deviría nun dos principais capos da mafia do narcotráfico no Estado? Pode selo quen, alén diso, aínda non explicou por que non cesou a Pablo Crespo como representante da Xunta en Portos de Galicia? O aparato de propaganda de Monte Pío e a imprensa afín finxe que aquí non pasa nada, mais as fotos co narco deixan a Feijóo tocado na carreira sucesoria e fortalecen as opcións do sector de Esperanza Aguirre.
O líder d@s socialistas galeg@s estima que Núñez Feijóo só quere "escapar á verdade" e enfatiza que o presidente terá que explicar "as viaxes a Andorra e Portugal".
O xefe do Goberno galego compareceu como presidente do PPdG para insistir en que descoñecía os negocios que ligaban Marcial Dorado ao contrabando de tabaco e para teimar en que "intentaron amedrentalo" coa publicación das imaxes na súa compaña. A oposición, primeiro BNG e despois PSOE e AGE, reclamou a súa demisión. Feijóo delegou no seu grupo parlamentar -do que, dixo, ten a maioría absoluta- a decisión de se vai concorrer ou non no Pleno da Cámara. Portanto, el non vai tomar a iniciativa para o facer, embora sexa o presidente do grupo.
Así informa a imprensa sobre as fotos de Feijóo no barco do contrabandista Marcial Dorado, hoxe condenado por narcotráfico. As imaxes foron difundidas este domingo polo diario El País