As Revenidas, o festival que leva xa 14 anos a bombear música, enerxía e festa desde o corazón da Ría de Arousa, xa ten datas para a súa edición deste ano: 18, 19 e 20 de agosto (sexta feira, sábado e domingo). Tres días para gozar ao máximo de actuacións, convivio, sardiñas (as revenidas) e unha manchea de actividades.
O programa de actuacións non está confirmado aínda mais malo será. Unha simple ollada a carteis de edicións anteriores garante a calidade e variedade deste festival, que co paso dos anos foi quen de converterse nun dos máis importantes do noso país, facéndose indispensábel nas axenda festivaleira de milleiros de mozos e mozas.
