Concluídas as súas tarefas ao fronte da portavocía nacional do BNG, Guillerme Vázquez retorna ás aulas como docente nun centro de ensino secundario pontevedrés. Após dúas décadas en que exerceu o seu labor de representante do pobo en diversas institucións (Parlamento galego, Congreso dos Deputados, concello de Pontevedra...), o nacionalista di reincorporarse "con total normalidade" á súa actividade docente.
Se se lle pergunta a Guillerme que é máis duro, se a política ou a docencia, coa súa naturalidade característica responde: "Home, nin a política nin a docencia. Duras son as condicións de vida dos centos de miles de compatriotas nosos que están sen emprego ou que, téndoo, teñen medo a perdelo, por ser precario e mal pago. Esa si que é unha vida dura".
Na súa conta twitter, @guillermegz, o ex portavoz nacional deitou este chío: "Reincorporarse ao posto de traballo, ter un mÁis que agradabel reencontro con algúns compañ[email protected] está nada, nada mal".
