Finalmente Israel, tal e como facían presaxiar os acontecementos das últimas horas, optou por reproducir no sur do Líbano a invasión terrestre iniciada hai case un ano na Faixa de Gaza (Palestina). O Exército sionista fala dunha incursión "selectiva e limitada" para atacar "obxectivos de Hezbolá" na zona fronteiriza, se ben ese fóra o mesmo discurso empregado no inicio da cruenta ofensiva contra territorio palestino.
A ofensiva militar terrestre "selectiva e delimitada" no sur do Líbano veu precedida dunha intensa campaña de bombardeos contra Hezbolá malia os chamamentos internacionais, incluído o dos Estados Unidos, para que evitase unha invasión do país. Mais nada semella frear Israel.
Beirut, Lebanon, tonight.
pic.twitter.com/FvJiUYAvSj— Azat (@AzatAlsalim) September 30, 2024![Publicidade 207622]()
Obxectivo de guerra
"De acordo cunha decisión a nivel político, as Forzas de Defensa de Israel (FDI) comezaron hai unhas horas unha operación terrestre selectiva e delimitada no sur do Líbano contra obxectivos terroristas e infraestruturas da organización terrorista Hezbolá, en varias aldeas próximas á fronteira, que representan unha ameaza inmediata e real para os asentamentos israelís na fronteira norte", anunciaron as FDI na súa conta da rede social X.
In accordance with the decision of the political echelon, a few hours ago, the IDF began limited, localized, and targeted ground raids based on precise intelligence against Hezbollah terrorist targets and infrastructure in southern Lebanon. These targets are located in villages…
— Israel Defense Forces (@IDF) September 30, 2024![Publicidade 207760]()
O Exército asegurou que se atopa "loitando e actuando" para lograr o seu obxectivo de guerra de lograr que os residentes do norte de Israel poidan volver aos seus fogares a case un ano da súa evacuación polo inicio dos ataques de Hezbolá en apoio ao Movemento de Resistencia Islámica (Hamás) na Faixa de Gaza.
"Pedimos que non se difundan rumores e informes non oficiais sobre as actividades das forzas das FDI, e que se ateñan unicamente aos anuncios oficiais", engadiron.
A posición de Hezbolá
Hezbolá, pola súa parte, asegurou causar baixas contra as forzas israelís nos pobos veciños de Adaisse e de Kfarkela, ambos os dous no sueste do país, onde practicamente fan fronteira con Israel. A milicia tamén lanzou un ataque de artillería contra unha agrupación de soldados no asentamento israelí de Shtula, que fai fronteira co sur de Líbano.
Ademais, as FDI notificaron a activación das alarmas antiaéreas na rexión de Merón, no norte do país, tras detectar o lanzamento de numerosos proxectís desde Líbano e dos que lograron interceptar algúns, mentres que outros caeron "en zonas abertas".
Neste sentido tamén informaron sobre a detección dun dron sobre o mar Mediterráneo a "decenas" de quilómetros da costa central do país. Até o de agora ningunha milicia proiraní reclamou a autoría deste intento de ataque.
Precedentes
A invasión tivo lugar despois de que o gabinete político de seguridade israelí aprobase a seguinte fase da operación e en cuxa reunión se protestou pola filtración de funcionarios estadounidenses, que previamente informaran sobre o inicio das incursións israelís, informou o diario Yedioth Ahronoth.
Cabe destacar que o Exército libanés repregárase até cinco quilómetros da fronteira tan só unhas horas antes da operación terrestre, aínda que xustificou esta decisión como unha forma de redespregamento das súas forzas, segundo a axencia de noticias estatal libanesa NNA.
A anunciada ofensiva enmárcase na operación 'Frechas do Norte', a campaña militar iniciada hai pouco máis dunha semana contra obxectivos de Hezbolá e desenvolverase "ao mesmo tempo que os combates en Gaza e outras áreas". Os ataques israelís incrementáronse desde mediados de setembro e acabaron coa vida de gran parte da cúpula de Hezbolá, incluído o seu secretario xeral, Hasán Nasralá, morto a pasada sexta feira nun bombardeo en Beirut.
