No segundo semestre de 2016 rexistráronse en Galiza un total de 1.389 denuncias por violencia machista, unha cifra superior ás rexistradas no primeiro semestre no noso país, 1.355. Así pois, entre xaneiro e xuño houbo 2.744 denuncias por violencia machista en Galiza, o que representa unha media aproximada de 15 denuncias diarias. Son datos do informe do Observatorio contra a violencia de xénero do Consello Xeral do poder xudicial.
Nestes tres meses, os comprendidos entre abril e xuño, houbo 311 ordes de proteción incoadas, mentres que no primeiro trimestre foran 303. En Galiza, e segundo este informe do Observatorio, a ratio de mulleres vítimas de violencia de xénero por cada 100.000 mulleres é de 9,17.
No conxunto do Estado houbo no segundo semestre deste ano un total de 36.319 denuncias por violencia machista. Cómpre lembrar que estes datos refírense a denuncias presentadas, non a agresións rexistradas, moitas das cales non chegan a denunciarse.
