Covid-19

O presidente galego eludiu responsabilidades sobre a situación dos centros de maiores privados afectados por coronavirus e asegurou que a Xunta "actuou" pese a que “non tiña competencias na maioría de residencias porque eran de empresas”. O mandatario galego tamén sinalou que dos 14 millóns anunciados por Sánchez ás Comunidades Autónomas, unha gran parte non deixa de ser un adianto dos cartos que o Estado debe a Galiza e avanzou que a Xunta recomendará o uso masivo de máscaras. 

Piden á Xunta que elimine as restricións para atender os cultivos que se atopan a máis de 500 metros e que non requira o carné de manipulación de produtos fitosanitarios. "É o camiño cara a soberanía alimentaria", afirman.

O secretario xeral da CIG, Paulo Carril, reclamou ás Administracións garantías reais de protección social e a reincorporación das persoas traballadoras temporais despedidas non incluídas nos ERTE.
 

O BNG exixe á Xunta que rectifique a xestión nas residencias e que traslade a centros hospitalarios todas as persoas maiores contaxiadas por coronavirus.
 

Galiza rexistra 450 mortes pola COVID-19 desde que iniciou a pandemia. Nas últimas 24 horas rexistráronse 58 novos contaxios. 
 

A asociación ASATE de auxiliares técnicos de alumando da Galiza cualifica de “actuación temeraria” que a Xunta estea a derivar este persoal a residencias para traballar con persoas maiores, ao non ter ningunha formación nin experiencia na atención á terceira idade e ao descoñecer os protocolos e as medidas de protección que se deben tomar. 
 

Traballadoras do Hospital Marítimo de Oza, da área sanitaria da Coruña, denuncian teren recibido as “máscaras defectuosas” distribuídas polo Sergas até 24 horas despois de Sanidade ter dado a alerta sobre elas. 

O presidente do Goberno español, Pedro Sánchez, anunciou que volverá pedir ao Congreso unha nova prórroga do estado de alarma, a terceira, que se prolongará até o 9 de maio, pero aliviará o confinamento das crianzas a partir do 27 de abril.
 

O Sergas devolveu á residencia San Carlos de Celanova un usuario deste centro positivo en coronavirus e que fora trasladado previamente ao hospital de Ourense. O paciente mantense como positivo. Ademias, das 18 profesionais da residencia privada de maiores San Carlos de Celanova que estaban de baixa por coronavirus só unha tivo que facer a segunda proba, debido a ser empregada a través dunha subcontrata. O seu positivo obrigou a volver a analizar ao resto, e evitou así que 7 contaxiadas entraran a traballar no centro de Celanova, reservado para persoas sas.

Unha enquisa realizada entre 2.875 estudantes da Uvigo amosa que 54,9% defende a suspensión do curso 2019-2020 e dar por superadas as materias sen que estas conten para a media.

O sector hostaleiro prevé unha avalancha de despedimentos após o confinamento se non contan con axudas para manter ao persoal.

O voceiro de Galicia en Común-Anova Mareas, Antón Gómez-Reino, pide á Xunta que estenda o bono de aluguer a 100% para familias sen recursos ou que viran mermados os seus ingresos en 75%.

 A deputada nacionalista Montse Prado pediu á Xunta non empregar a crise causada pola COVID-19 para voltar a precarizar as condicións laborais do persoal sanitario e instouna a non continuar a política de recortes e privatizacións.

A Federación REDE, que reúne entidades de usuarias de residencias e de familiares delas, presentou na Fiscalía unha denuncia contra o director xeral de Maiores e Persoas con Discapacidade da Xunta, o subdirector xeral de Autorización e Inspección de Servizos Sociais e contra a xefa do Servizo de Inspección de Maiores e Discapacitados.

Nove mortes por coronavirus en centros hospitalarios e outra nunha residencia elevan a cifra de defuncións na Galiza a 439. Hai 1.507 altas, 3,5% máis que na sexta feira, e 6.147 contaxios activos no país, segundo os datos deste sábado 18 de abril.

A CIG-Ensino critica que a Xunta da Galiza se está a escudar no retraso da Administración do Estado Español para non dar instrucións claras ao profesorado galego sobre o terceiro trimestre. As Administracións estatal e galega “están chegando tarde e de forma descoordinada”, sinalan no sindicato.

A Xunta orzou 65,7 millóns de euros en 2019 para concertar máis de 4.000 prazas residenciais para persoas maiores en centros que son propiedade de empresas privadas. Desta maneira, distintas corporacións acollen persoas cuxas prazas son financiadas entre a Xunta e a propia usuaria ou a súa familia. Ademais, das 49 residencias de maiores que son de titularidade da Administración galega, 22 están xestionadas por empresas privadas, con ánimo de lucro, con DomusVi á cabeza, ou de iniciativa social, como a Fundación San Rosendo. 
 

A Consellaría de Sanidade ordena "inmobilizar e retirar" estas máscaras após comprobarse polo Goberno estatal, o que as distribuíu, que non teñen a capacidade de filtrado necesaria para protexer do coronavirus. 

A Rede Europea de Igualdade Lingüística (ELEN) únese ao Consello de Europa na demanda de que os gobernos estatais europeos garantan o emprego nos idiomas minorizados das novas sobre a crise do coronavirus.

A Asociación Galega de Consumidoras e Usuarias (ACOUGA) anuncia que pon a disposición de quen o precise a súa estrutura xurídica para garantir os seus dereitos e reclamar prexuízos pola neglixencia do seus xestores.