A denuncia presentada polo BNG contra Rogelio Martínez, acusado de presunta malversación, fraude, falsidade documental e prevaricación continuada, segue a encontrar obstáculos nove anos despois. Nesta ocasión, paralízase até que Facenda remita un informe patrimonial.
Unha canción sobre Alberto Núñez Feijóo e máis de 8 mil visitas na rede lanzaron os protagonistas deste proxecto audiovisual a escena. Na Galiza, din, "talento hai de sobra" o que falta é "oco" para dalo a coñecer.
A decisión adoptada polo PP e PSOE en Xunta de portavoces resulta do acordo entre ambos os dous grupos para reducir as quendas de intervención de BNG e AGE. É a primeira vez que acontece desde que existen as sesións de control ao presidente.
Despois de voltar dunha viaxe por Andalucía, Arxentina e Uruguai, sen máis finalidade aparente que a de facer campaña electoral a prol do seu partido, aínda que os gastos terémolos que pagar todos e todas, o presidente da Xunta de Galiza desbordou optimismo no pleno do Parlamento sobre o futuro do país.
A xornalista María Feijoo vén de presentar o libro Orballo: crónica da inmigración galega en Zarautz, un traballo que ten como fontes privilexiadas a memoria oral da emigración. O escritor e investigador Xosé Estévez presentou o traballo desta filla dun emigrante de Nogueira de Ramuín que está accesíbel na rede.
O banqueiro venezuelano Escotet comprou Abanca por 1.003 millóns de euros, mais o portavoz do BNG no Parlamento galego, Francisco Jorquera, denunciou esta cuarta feira que ese prezo é "ficticio" porque encobre "axudas públicas".
A Asociación de Armadores do cerco ven de lanzar un SOS reclamando auxilio para esta flota composta por 153 unidades que vai a pique.
Despois da multitudinaria manifestación do 8 de febreiro convocada por Queremos Galega, a Mesa pola Normalización Lingüística diríxelle unha carta a Feijóo para solicitarlle unha xuntanza na que lle presentar seis medidas urxentes para darlle a volta á situación do galego.
Diversas plaformas contra os desafiuzamentos cualifican de “papel mollado con intención electoralista” o bono anunciado polo Goberno galego do PP para axudar a afectad@s e anuncian que reactivarán a presentación dunha ILP a favor do dereito a vivenda e para evitar máis desafiuzamentos.
Non se apagan as lapas da Operación Zeta. E cada día están máis perto de Monte Pío.
As declaracións do presidente da Xunta, Alberto Núñez Feijóo, chamando ao diálogo pola lingua non abondan para Queremos Galego que esixe “feitos” inmediatos despois da masiva manifestación do 8F. A inmediata derrogación do decreto contra o galego no ensino e o cumprimento do Plan de Normalización Lingüística serían un punto de partida.
Por vez primeira desde que goberna, Feijóo está á defensiva no que ten a ver co debate sobre a política lingüística do seu executivo
A Operación Zeta continúa moi viva a escasos 4 meses das eleccións municipais. Esta segunda feira, o principal imputado da trama negouse a declarar, co cal a historia se prolonga no tempo, para desacougo de Monte Pío.
O presidente da Xunta sae de viaxe na mesma data en que o principal acusado dunha trama que afecta á súa contorna -o empresario Gerardo Crespo- declara por primeira vez nos xulgados, disposto a “contar todo”.
A política como aparencia, a substitución da realidade polo relato virtual do seu imenso aparato de propaganda, é unha constante en Núñez Feijóo.
A conselleira de Facenda, Elena Muñoz será a candidata do PP nas municipais en Vigo e, polo tanto, a segunda do executivo tocada pola man de Feijóo para encabezar as candidaturas despois de que Xesús Vázquez tivera aceptado ir á fronte da de Ourense.
Considera, nunha entrevista en La Voz, que pronunciarse agora sobre ese tema sería “un acto de soberbia”. O presidente fala de Bárcenas, mais nin unha palabra de Marcial Dorado ou Pachi Lucas.
O presidente da Xunta participou na Convención estatal do seu partido cun discurso de ton claramente unionista no que afirmou que o ex-ministro franquista “estaría orgulloso deste PP” e defendeu a Carta Magna española de 1978 no momento no que máis posta en dúbida se atopa por amplos sectores da cidadanía.
Cen anos despois de que Perfecto Feijóo disolvera o coro “Aires da Terra” volve ao escenario nunha homenaxe ideada polo gaiteiro Suso Vaamonde, apaixonado polo seu labor e o papel na nosa historia musical. Coa mesma sonoridade, coa recreación daquela posta en escena. A vindeira cita, o sábado 24 en Compostela.
![A mocidade estivo moi presente na manifestación [Imaxe OR]](/asset/zoomcrop,768,432,center,center/media/nosdiario/images/2015/02/08/2015020816411596238.jpg)
