Feijóo desaproveitou unha nova oportunidade de criticar en público a Fernández de Sousa, o empresario que levou a Pescanova á suspensión de pagamentos e que acaba de ser afastado da dirección da compañía polo xuíz. O presidente da Xunta anunciou que o goberno galego procura un relevo para de Sousa ao fronte do padroado do Centro Galego de Arte Contemporánea.
O relato de Feijóo é invariabelmente exculpatorio.
Segundo Novas da Galiza, tamén existen fotografías comprometedoras de Mariano Rajoy.
A question time da cuarta feira no Parlamento galego será monográfica: as relacións de Feijóo co narco Dorado. Question time é o nome que recebe a sesión de control en Westminster: as perguntas da oposición ao primeiro ministro. A diferenza de na Galiza, @s cidadáns poden acompañala en directo por televisión. Aquí a question time é peneirada polos informativos da CRTVG.
A deputada do BNG Ana Pontón vén de demandar no Parlamento o cesamento por parte da Xunta de Manuel Fernández de Sousa-Faro, Julio Fernández Gayoso e José Luís Méndez como presidente e membros do padroado do Centro Galego de Arte Contemporánea. A noticia viu a luz en Sermos Galiza.
Milleiros de operarios do naval maniféstanse na rúa da cidade contra a falla de carga de traballo. O comité de empresa reprocha a Feijóo que veña de México con novas promesas que nunca se concretan
Manuel Fernández Padín, testemuña protexida durante 20 anos após colaborar coa policía para pór nomes e apelidos a tod@s @s detid@s da operación Nécora contra o narcotráfico, móstrase convencido de que o presidente da Xunta "sabía ben quen era" Marcial Dorado
En comparecencia de imprensa após o Consello da Xunta, Alberto Núñez Feijóo asegurou que o presidente mexicano "avalou e ampliou" os acordos entre a petroleira mexicana Pemex e os estaleiros galegos. Porén, aínda non hai data para a construción dos buques floteis prometidos polo líder do executivo galego.
A prensa mexicana faise eco estes días, co gallo da visita do presidente da Xunta ao país azteca, do escándalo das súas fotografías con Marcial Dorado. “Foron amigos. Un acabou de presidente e outro no cárcere por narcotráfico”
O presidente da Xunta reuniuse co presidente mexicano e dirixentes da paraestatal petroleira. Afirma que a empresa está interesada en entrar no naval galego. Un anuncio que fai cando se cumpre un ano do anterior sobre a construción de buques para esa empresa en estaleiros galegos. Barcos polos que aínda se espera
O secretario xeral do PSdeG afirma, nunha entrevista na cadea Ser en Galiza, que os socialistas non descartan emprender a vía xudicial.
María Dorado, filla do narco preso en Topas, afirma nun programa de televisión que o seu pai nunca tivo unha relación "cercana" co presidente da Xunta, para alén de dicir que a publicación das imaxes perxudícalle a nivel penitenciario
A Administración galega facturou arredor de 5.000 euros con empresas do narco Dorado durante os tres primeiros anos de goberno Feijóo.
Unha ollada rápida á imprensa permite coñecer cal é a imaxe que de si propio lle interesa a Feijóo transladar da súa comparecencia esta cuarta feira no Parlamento galego para explicar a súa presenza no iate do narcotraficante de Marcial Dorado nunhas fotos tiradas en 1995, cando era alto cargo na consellaría de Sanidade
Feijóo submétese hoxe a un novo exame. Será ante a imprensa (12 h), após o Consello da Xunta. Na súa comparecencia foi incapaz de soterrar o seu caso, o caso da súa historia de amizade durante varios anos co narcotraficante Marcial Dorado.
Feijóo non foi quen de zanxar o asunto da súa estreita amizade co nartotraficante Marcial Dorado. Empregou a estratexia de atacar a oposición e de desviar a atención. Mas implicitamente recoñeceu que a Administración Fraga contratou con Dorado na época en que o mafioso viaxaba e ía de festas con Feijóo. O caso Feijóo continúa aberto porque o presidente da Xunta foi incapaz de dar resposta ás perguntas básicas do caso. Por que amagou con demitir en 2003 e agora se resiste a renunciar? Quen pagaba as viaxes? Cando realmente rachou a relación co narcotraficante?
Hoxe é o día. Hoxe comparece Feijóo (10 horas) no Parlamento de Galiza para explicar a súa relación co narcotraficante Marcial Dorado. Farao sen retransmisión televisiva en directo, toda unha declaración de intencións do aparato de propaganda gobernamental. Feijóo ten millenta perguntas que contestar. Sobre todo, unha: se en 2003 presentou a súa demisión a Fraga, por que se resiste a demitir agora?
O Observatorio de Esculca remitiulle ao Valedor do Pobo, José Julio Fernández, un escrito no que reclaman a súa demisión por tomar partido en declaracións públicas a favor de Feijóo no caso das fotos co narcotraficante.
