Cangas

“Queremos visibilizar que existen alternativas para construír un mundo máis xusto”. As “utopías reais”, segundo o concepto do sociólogo estadounidense Erik Olin Wright. E o resumo das intencións de Mostra do Posible, un encontro de entidades de economía solidaria e movementos sociais que decorrerá en Cangas do Morrazo o 5 e o 6 de outubro.

Teresa Portela logra praza en Tokio para os que serán os seus sextos Xogos Olímpicos marcando un fito histórico. A canguesa gañou a praza ao facerse co bronce na final do K1 200 do Mundial de Szeged, en Hungría.

Convocadas e convocados polos respectivos alcaldes, veciñas e veciños do Morrazo concentráronse na mañá do domingo en Domaio (Moaña) para protestaren polos reiterados colapsos de tráfico que están a ter lugar acotío polas obras da Ponte de Rande.

Delacións, escuadras negras, terror nacional católico, paseos, listas de desafectos. Así se impuxo o fascismo na Galiza de 1936. Por primeira vez, un libro monográfico dedícase a recoller investigacións e estudos sobre a identidade e as tácticas dos verdugos. Os nomes do terror. Galiza 1936: os verdugos que nunca existiron, editado por Sermos Galiza, preséntase este serán, ás oito, no salón de plenos do Concello de Cangas.
 

A 33ª edición da Mostra Internacional de Teatro Cómico e Festivo de Cangas bota a andar esta sexta coa preestrea de 'Las Cervantas', o espectáculo conmemorativo do Ano Cervantes. 

A XV Edición do Salón do Cómic de Cangas, entre o 23 e o 28 de xullo, conta con obradoiros, proxeccións de películas e palestras con debuxantes.