mar

Oitava entrega de 'Historias de ida e volta'

A patronal do metal presenta un informe no que propón tres zonas de implantación (a curto, medio e longo prazo) da eólica mariña na Galiza. A institución advirte que a pregunta non é se hai que apostar nesta estratexia senón "onde e como".

O Goberno galego demanda para o sector a vacina monodose de Janssen e insta a comezar pola frota de altura e grande altura.

A Federación Galega de Confrarías adianta unha nova xornada de paro en maio.

A Consellaría do Mar e os membros do Consello Galego de Pesca expuxeron as súas inquedanzas ao presidente da Comisión de Pesca do Parlamento Europeo nunha reunión telemática que cualificaron de "positiva". Enriba da mesa as cotas e o sistema de control que se pretende aplicar á frota desde Europa.  

Está previsto que o buque abandone Ferrol o vindeiro 18 de abril, deixando os estaleiros de Navantia practicamente sen actividade

Néstor Rego (BNG) traslada a PSOE, PP e Podemos unha proposta transaccional do polémico artigo 18 da lei de cambio climático para exceptuar as actividades vinculadas ao complexo mar-industria, de carácter sustentábel, das limitacións da nova lei.

O marisqueo a pé, oficio ancestral na Galiza, ficou relegado ao "último eslabón" do sector do mar coa crise da Covid. As mariscadoras sentíronse este último ano excluídas pola Administración cando máis axuda precisaban para afrontar as cuantiosas perdas. As e os profesionais deste sector vense obrigados cada día a loitar contra todo tipo de adversidades para manter o seu sustento económico.
 

Rogelio Santos Queiruga leva 25 anos traballando no mar. Coa planadora, xunto ao seu irmán, percorre a ría de Muros e Noia desde Porto do Son e conta nas redes sociais como son as súas capturas ao tempo que difunde o respecto por esta profesión e polo medio ambiente. Anécdotas e información enchen os seus perfís de Facebook e Twitter coa intención de que coñezamos cales son as especies protexidas para dar unha imaxe construtiva do mundo mariñeiro.

Populares e socialistas votan en contra dun "gran pacto pola sustentabilidade, a calidade das augas, a produtividade e o futuro das nosas rías" que propuña o BNG.

"O Burgo morre", advirten, ao tempo que demandan o pagamento das compensacións pola paralización da actividades marisqueiras.

Son das especies máis antigas que poboan a faciana da Terra. Máis que o ser humano, os animais terrestres e moito máis remotas que os mofos ou as árbores. As algas non son só a nota de cor vidrosa ou parda nas nosas praias ou un prato da nova cociña, son esenciais para o ciclo da vida e a súa desaparición, sosteñen as expertas, pode afectar a toda a cadea trófica. Na gandaría, agricultura ou gastronomía, no coidado da pel ou na lenda celta, este organismo, inserido xa nas industrias alimentarias de Asia ou de países como Francia, forma parte da economía e da ecoloxía galegas.

Nunha contorna privilexiada en moitos aspectos, entre a compaña das illas Alvedosas, no fondo da ría de Vigo, as mariñeiras desenvolven a súa actividade. Érguense moi cedo, con choiva, frío ou mesmo en días de temporal, ou cun sol de xustiza; traballan para gañar o pan no mar, xeira tras xeira, expostas ás súas inclemencias. Mais tamén gozan dos seus ciclos. Móstranse satisfeitas e contentas co que fan, o traballo é duro, pero ten as súas vantaxes e estar en contacto co medio é unha delas para moitas. Iso si, hai que saber aprecialo, estar disposta a mollarse e... saber nadar.

A riqueza das augas galegas é unha gran descoñecida. De feito, o océano como ecosistema é, sen dúbida, a parte máis ignorada do noso planeta. Isidro Mariño embarcouse en 2011 nunha empresa que pretende mitigar esa ignorancia e mostrar algúns dos tesouros da costa de Galiza. Mariño é o capitán e patrón do Chasula, un barco de pesca de 1959 que desde hai nove anos organiza diferentes rutas polo mar de Arousa para observar aves e mamíferos mariños, principalmente, pero tamén para coñecer a xeografía, a xeoloxía e outros moitos aspectos socioculturais e medioambientais das rías e do mar aberto.

Combustíbel, margarina, xustillos, paraugas ou carne para as cociñas xaponesas son algúns dos destinos finais da caza dos cetáceos. Esta actividade realizouse na costa galega, polo menos, dende o século XII. O final deste lucrativo negocio chegou cunha moratoria en 1982. Despois dela, nos lugares onde se despezaban os animais, só quedan fábricas en ruínas.

O mar segue a ser un gran descoñecido. Case calquera galego poderá explicar como cociñar de diferentes modos o polbo ou a robaliza, pero poucos saben que hai peixes que mudan de sexo, como capturan os chocos ás súas presas ou que fan as centolas para pasar totalmente desapercibidas, a pesar do seu tamaño.