mar

O día 10 de agosto foi avistado perto das illas Cíes o primeiro exemplar de balea azul da tempada. As fotografías da aleta e lombo do gran mamífero percorreron as redes sociais no corazón do verán, facendo a ledicia de todo aquel que se atopase perante a rechamante imaxe. Malia que a observación de grandes cetáceos nas nosas costas adoita ser visto polos veraneantes como un feito extraordinario e positivo, reflexo da riqueza e biodiversidade dos nosos mares, para os biólogos mariños e investigadores, este feito evidencia unha realidade ben distinta.

Os Grupos de Acción Local do Sector Pesqueiro (GALP) continuarán co programa iniciado en 2020 de información e valorización dos oficios do mar en centros de ensino. O obxectivo é conseguir reducir a falta de relevo xeracional, un dos factores que máis preocupa ao sector que ten que procurar man de obra fóra.

O segundo patrón do pesqueiro 'Novo Confurco', Pablo Villar, denuncia que a súa tripulación tivo que permanecer en corentena durante máis dun día a bordo con persoas contaxiadas da Covid-19, nun "espazo moi reducido" no que resultaba "imposíbel" cumprir as medidas sanitarias de prevención.

Polémica en Malpica pola retirada do rostro de Castelao dun mural pintado polo artista Yoseba MP, quen explica a 'Nós Diario' como se viu "presionado" por un veciño filántropo que se comprometera a doar ao Concello dúas esculturas.

Nos últimos anos a orella de mar, tamén coñecida como peneira, conseguiu atopar o seu espazo entre os moluscos máis cotizados. A planta de Tal é a primeira e única piscifactoría que a produce en todo o Estado español. Actualmente, as peneiras galegas compiten coas chinesas, que lideran o mercado. 

Os fenómenos meteorolóxicos adversos son só unha das consecuencias do cambio climático que preocupan as expertas. No caso da Galiza, a previsíbel suba do nivel do mar supón unha ameaza maior para moitas empresas do país asentadas no litoral, algunhas delas incluídas na lista das máis contaminantes.

A Coordinadora para o Estudo dos Mamíferos Mariños (CEMMA) denuncia "malas prácticas" con cetáceos por parte dalgunhas persoas bañistas, navegantes e usuarias do mar.

O mes de xullo, o primeiro íntegro do verán, suma 49 mortes ás cifras de afogamentos non intencionais nos espazos acuáticos do Estado. Entre os denominadores comúns destes casos atópase a falta de vixilancia nos lugares de baño. O 94% dos decesos déronse nestas circunstancias.

Denuncian “caos” e “atraso” na atención á tripulación do barco Manuel Lara á súa chegada a Vigo. O BNG leva ao Congreso o caso deste pesqueiro expulsado de Irlanda logo de as autoridades irlandesas denegarlle auxilio a pesar de ter a bordo casos de Covid-19.

A embarcación Manuel Laura, cunha tripulación na súa maior parte do Morrazo, foi expulsada de Irlanda ao detectarse unha persoa positiva por Covid-19.

Torcuato Teixeira, representante do sector nesta organización, salienta o "diálogo" e a "transparencia" que está a percibir nos encontros, mais ve "complexa" a integración da enerxía eólica nas costas galegas con base na proposta da patronal do metal.

A produción caeu en perto de 30% no último ano.

O desenvolvemento da eólica mariña chega a Bruxelas. Un grupo de eurodeputados emitiu un informe que alerta dos efectos nocivos dos aeroxeradores sobre a fauna mariña e o consecuente impacto económico para o sector pesqueiro, e insta a protexer os caladoiros tradicionais.

Adega critica que non se agardase á aprobación do Plan de ordenación do espazo mariño, que tramita o Goberno estatal, e se comezara a tramitación de dous parques eólicos de Iberdrola fronte á costa galega. “As eléctricas pretenden repetir a tola carreira por ocupar o espazo mariño tal como xa acontecera na terra, e as Administracións galega e estatal están a deixarlles facer”.

A XXXIV edición da proba comezará o 26 de xuño

A traxedia do buque 'Sempre Güeto' lémbranos que o sector pesqueiro segue a ser un dos máis perigosos do país. Asumindo o medio no que traballan 'Nós Diario' interesouse polas melloras que se poderían realizar para minimizar os custes humanos. Os sindicatos piden  unha investigación e medios

Balonmán ou hóckey benefícianse do proxecto.

A natureza, que se presenta ante nós como incontrolábel, inspirou desde sempre as poetas que comezaron a crear versos que nacían da admiración polo que vían os seus ollos. O mar e as súas ondas infinitas son o xerme de moitos proxectos poéticos que desde as cantigas de amigo chegan até os nosos días. Da man dalgúns libros que teñen o mar como leitmotiv, analizamos dúas ideas: o mar como beleza e o mar como ausencia e reivindicación.