Xunta da Galiza

A falla de coñecer a liquidación definitiva do orzamento de 2022, a débeda pública galega xa supera os 12.000 millóns de euros. A maiores, o Goberno galego ten pendentes de pago outros 2.050 millóns de euros derivados das obras do Hospital Álvaro Cunqueiro de Vigo e de diversas infraestruturas viarias.

Luis Álvarez, voceiro do grupo socialista no Parlamento galego, reproba a xestión da Xunta co diñeiro público e asegura que a falta de execución orzamentaria de 2022 podería repetirse en 2023.

O sindicato Alternativas na Xustiza cuestionou os medios que a Administración galega puxo ao dispor do persoal de arquivo que "leva meses loitando para lograr minimizar ao máximo a falta de espazo nos arquivos xudiciais da nova Cidade da Xustiza de Vigo".

A forma oficial 'ría de Ribadeo' está apoiada pola Real Academia Galega, o Consello da Cultura, a Deputación de Lugo, o Concello de Ribadeo e o Grupo ANTE de Investigación de Análise Territorial da USC.

A  tradicional mensaxe de fin de ano do presidente da Xunta da Galiza tivo un claro pouso electoral. Os diversos comicios de 2023 pairaron ao longo de toda a súa intervención.

2023 será un ano marcado polas citas electorais. Os comicios locais de maio e as eleccións estatais de finais de ano condicionan a axenda de 2023, onde tamén é posíbel un adianto electoral das galegas para facelas coincidir coas estatais. As forzas políticas non aforran esforzos de cara a este novo ciclo electoral.

Nós Diario é un diario editado na Galiza e por ese motivo debería ter dereito, ao igual que acontece con outros medios, a poder recibir as axudas que a Xunta habilita anualmente para prensa en papel. Este é o sentir que transmiten xornalistas e académicos consultados a raíz do novo veto da Xunta ao único xornal en papel en galego.

O DOG recolleu esta sexta feira a resolución da convocatoria de axudas a xornais que anualmente ofrece a Xunta, unha liña de subvencións da que, máis unha vez, Nós Diario foi excluído alegando o Goberno galego que este xornal non é un "diario" por saír de terza feira a sábado; a pesar de que a OXD, entidade de recoñecida solvencia que audita este xornal, define como diario "aquela publicación diaria impresa en papel que se edita, co mesmo título, formato e características peculiares e universalmente recoñecidas como tales, catro ou máis días por semana".

San Roque e o Luns de Pascua son os festivos de elección municipal máis elixidos nos concellos da Galiza.

O Goberno galego é cuarto do Estado que menos inviste en servizos sociais por habitante. A partida anual por persoa foi en 2021, segundo os últimos datos publicados pola Airef, de 301 euros anuais, 69 euros por baixo dos 370 que se destinaron de media no Estado e moi lonxe dos 717 euros por residente que dedicou Nafarroa.

O presidente galego non variará a ponte de mando da Consellaría de Sanidade malia a vaga de dimisións estas semanas de responsábeis sanitarios en diferentes áreas e niveis. Alfonso Rueda afirmou onte que non fará cambios en Sanidade e defendeu que os problemas na sanidade "hainos en todo o Estado".

Segundo os datos que vén de facer públicos a Autoridade Independente de Responsabilidade Fiscal (Airef, organismo de control fiscal creado polo Estado co obxectivo de "garantir a estabilidade orzamentaria"), a Galiza atópase á cola do Estado en investimento educativo.  As últimas cifras da Airef -referidas a 2021- indican que o gasto en educación por habitante na Galiza sitúase en 995 euros ao ano -60 euros por baixo da media do conxunto do Estado español, fixada en 1055 euros-.

O Ministerio avisara o Goberno galego dúas veces

A Galiza é a cuarta comunidade do Estado onde menos se inviste en sanidade por habitante. O gasto fica en 1.691 euros ao ano por persoa, o que supón 37 euros por baixo da media estatal (1.728 euros por residente), segundo os últimos datos do organismo Airef.

Os nacionalistas aseveraron que os Concellos "xa soportan un gran déficit público por asumir servizos que lle corresponden á Administración galega".

O secretario xeral socialista asegura que "na vida" competiría cun amigo como Besteiro. Chegado o caso daría un paso ao costado "por xustiza e por lealdade persoal".

O sindicato CESM apunta que se o 10 de xaneiro a Xunta non moveu ficha, estudará "unha escalada de mobilizacións a desenvolver en 2023".

Ás loanzas de Xosé López Orozco súmase o deputado socialista Javier Cerqueiro, quen augura que Besteiro ten "todo o futuro por diante". Tamén José Manuel Lage Tuñas, malia que con menor concreción, instouno a voltar "á primeira liña política".

O transporte público "está ao servizo dun monopolio", alerta Xurxo Doval, en alusión a que Monbus concentra "70% das liñas".