Agora
O Goberno español crea tres unidades xudiciais na Galiza, dúas na Coruña e unha en Vigo
27/dec./23
O Consello de Ministros e Ministras decorrido onte aprobou 70 novas unidades xudiciais correspondentes á programación de 2023, tres das cales se atoparán na Galiza. O Real Decreto que se presentará hoxe crea unha praza de maxistrado para a sección segunda da Audiencia Provincial da Coruña, correspondente á orde penal, e outra para a sección sexta da de Pontevedra, correspondente á orde civil, con sede en Vigo. Ademais, constitúe o xulgado de primeira instancia número 16 da Coruña. No acordo asinado entre PSOE e BNG para a investidura de Pedro Sánchez recolleuse a creación de cinco novos xulgados extraordinarios de violencia de xénero –fóra da programación común– que se incluirán nos orzamentos de 2024.