Xustiza

Formación e especialización son os argumentos que se superpoñen cando se trata de respaldar a creación de novos xulgados con competencias exclusivas en violencia de xénero para a Galiza. Profesionais implicadas no seu tratamento reclaman que a incorporación da perspectiva de xénero nestes órganos se estenda máis alá do proceso xudicial e chegue a todos os servizos e institucións implicadas na atención ás mulleres superviventes.

Non valorar de forma obxectiva o testemuño dunha muller que tardou en denunciar, negar unha agresión sexual porque non houbo unha negativa rotunda... Son algúns dos "prexuízos nocivos" que debulla o libro O axuizamento de xénero, que presentou o maxistrado José Fernando Lousada Arochena.

O Tribunal Supremo acaba de dar a razón a unha sanitaria que o Sergas deixou sen praza nunha oposición ao non computarlle como mérito o tempo que estivo de baixa tras dar a luz, nun tempo no que a traballadora exercía como persoal temporal do hospital de Verín. A sentenza considera que foi discriminada por razón de sexo. 

A investigación xudicial polas verteduras contaminantes da mina de Touro avanza coa declaración, en calidade de investigados –a antiga imputación– dos representantes de dúas empresas, ás que a Fiscalía vincula cun posíbel delito contra o medio ambiente.  

A xunta sectorial de xuízas e xuíces de instrución da Coruña reivindicou onte de forma pública a "necesidade de implantación do servizo de gardas de 24 horas" na cidade.  Nin é a primeira vez que o colectivo xudicial coruñés reivindica este sistema nin está só na súa demanda: a mesma petición foi aprobada na xunta sectorial de Vigo que, coa Coruña, é a única cidade galega que conta coas oito unidades de instrución que se precisan, segundo o Regulamento do Consello Xeral do Poder Xudicial (CXPX), para poder adoptar esta organización nos xulgados.
 

O Tribunal Supremo analizará a utilización "abusiva" dos nomeamentos de persoal estatutario eventual por parte do Sergas e as consecuencias desa actuación, co obxecto de formar xurisprudencia.

Os datos estatísticos do Consello Xeral do Poder Xudicial referendan o enorme desequilibrio das violencias machistas: un único home e trinta e oito mulleres morreron asasinadas na Galiza entre 2009 e 2018 no ámbito da relación de parella, o que supón que máis de 97% dos crimes foron por violencia machista.

O Tribunal Superior de Xustiza de Galiza (TSXG) vén de anular un dos apartados das bases do procedemento de acceso ao corpo de cátedra de música e artes escénicas nas especialidades vinculadas ao ensino superior de música, que se imparten nos Conservatorios superiores, promovido pola Xunta en marzo de 2018. 

O impagamento do aluguer é hoxe, de lonxe, a causa maioritaria dos lanzamentos xudiciais na Galiza, o que se coñece como desafiuzamentos. Distintas entidades de corte social reivindican o apoio mutuo e a acción e a reivindicación como a mellor ferramenta, diante da ineficacia das Administracións ante un problema que é "estrutural, complexo e colectivo".

A Plataforma de persoas afectadas pola Hepatite C recorrerá a decisión do xulgado de instrución 3 de Santiago de Compostela de arquivar a causa na que se investigaba o director de Asistencia Sanitaria e a subdirectora de Farmacia do Servizo Galego de  Saúde (Sergas) por posíbeis delitos de homicidio por imprudencia grave profesional e prevaricación, denunciados por non facilitar o tratamento de pacientes con esta enfermidade.
 

Coa vista posta no 25N, a Marcha Mundial das Mulleres fai pública unha declaración que pon o foco sobre a «violencia xudicial», e na que chama a erradicar o patriarcado da xustiza a través da loita feminista. 

Audiencia Provincial da Coruña decidiu a reapertura da instrución para que o xuíz investigue a denuncia dun ex traballador que asegura que responsábeis de Talgo ordenaron o borrado de datos sobre avarías do tren pasadas escasas horas do sinistro.

CIG-Xustiza, BNG e En Marea realizan unha petición conxunta no Parlamento galego para que a Xunta de Galiza emita o informe necesario para modificar o sistema de gardas en ambas cidades. 

 

Aumenta a preocupación no PSOE por como pode afectar nas urnas a resposta do Goberno central ao conflito catalán após a sentenza do procés. A dinámica ameazadora sobre o independentismo en que se instalou Pedro Sánchez comeza a confrontar con sectores que van alén do propio movemento soberanista. Desta volta son os colectivos e asociacións profesionais de fiscais quen lanzan as críticas ao presidente do Goberno por arrogarse competencias pertencentes ao poder xudicial.

A Xunta asina senllos convenios de colaboración co Consello da Avogacía Galega e co Consello Galego dos Procuradores para desenvolver accións formativas especializadas na atención a mulleres e menores vítimas da violencia de xénero.

A maxistrada do Xulgado de Primeira Instancia número 1 da Coruña considera no auto que as dúas administracións teñen un interese “directo e lexítimo na causa”.

A orde procede do xulgado de Instrución nº13 de Barcelona, que investiga o referendo do 1 de outubro de 2017.

Coñecer calquera idioma estranxeiro vai ser un mérito máis importante que saber algunha das linguas cooficiais no Estado. Así se dispón nas bases do novo sistema de concurso oposición para cubrir miles de prazas de persoal interino nos xulgados.

O xulgado contencioso-administrativo nº2 de Madrid tumba o veto da Xunta Electoral contra os candidatos e candidatas exiliadas de Junts per Catalunya.

O xulgado contencioso-administrativo nº2 de Madrid tumba o veto da Xunta Electoral contra os candidatos e candidatas exiliadas de Junts per Catalunya.