1) 115. Son as horas transcorridas desde a chamada de rescate realizada polo Prestige até a partición do buque. Case 5 días
2) Os maxistrados da Audiencia Provincial calcularon que nese período de 5 días o barco recibiu entre 37.600 e 46.000 golpes de mar.
3) 2.980. Son os quilómetros de costa afectada polo chapapote vertido polo Prestige. Un total de 1.137 praias e areais prexudicadas.
4) 243. Son as millas percorridas polo ‘Prestige’ vertendo fuel, desde que se detectou que tiña problemas, 13 de novembro, até que afundiu, o día 18. O seu equivalente en quilómetros é de 450, unha distancia equivalente á que hai entre Pontevedra e Lisboa.
5) 90.000. Son as toneladas retiradas no primeiro ano de limpeza, de area, refugallos e chapapote nos traballos e labores de liempza de costas e praias afectadas polo ‘Prestige’
6) 10.000. Son as toneladas recollidas daquela, hai 20 anos, e que fican aínda sen tratamento "armacenadas" nunha antiga balsa de pluviais do DDS 1 (depósito de seguridade 1) das instalacións de Sogarisa nas Somozas.
7) 200.000. É o número de persoas que participaron na primeira mobilización de Nunca Máis, o 1 de decembro de 2020 en Compostela e que colapsou a capital galega, incluso as entradas e saídas por estrada
8) 300.000. A asociación ambientalista Adega lembra que o rexistro de recollida de animais ‘petroleados’ e os datos científicos de cálculo de estimas que existen a nível mundial, “indicaba que a mortalidade efectiva-estimada atinxíu a 125.000-300.000 aves, 337-841 tartarugas, 33-84 cetáceos, 11-28 lobos mariños”.
9) 1.923. É o número de persoas que en 2002 e 2003 participaron nos traballos de limpeza do chapapote e que tiveron que ser atendidas por dificultades respiratorias.
10) 3.500. Son os metros de profundidade aos que está afundida a popa do Prestige, a proa está a 3.800 metros
11) 300.000. É a cifra de persoas voluntarias que tomaron parte nos traballos de limpeza do chapapote.
12) 90%. É a porcentaxe do parque nacional Illas Atlánticas afectado polo vertido de fuel oil.
13) 2.118. Son as partes que se personaron ao xuízo polo ‘Prestige’, representando por volta de 14.000 persoas.
14) 400. As horas de xuízo. O xuízo desenvolveuse en 89 sesións, que sumaron por volta de 400 horas de duración. A maior causa instruída no Estado español por delito ambiental saldouse inicialmente cunha pena de nove meses para o capitán Apostolos Mangouras, por desobediencia grave á autoridade. Máis tarde, o Tribunal Supremo elevou esa pena a dous anos por delito contra o medio ambiente.
15) 35. Son os buques cada día con mercadorías perigosas e bandeira de conveniencia ante as costas galegas. Da media de 35 buques con mercadorías perigosas que cada día navegan fronte ás costas galegas, 15 teñen bandeira de conveniencia. É dicir, son barcos de Estados que non cumpren os requisitos en seguridade marítima que se requiren na Unión Europea (UE). Só teñen que cumprir as normativas europeas aqueles barcos que toquen porto da Unión Europe. No ano en que afundiu o Prestige no transporte marítimo movíanse 400 millóns de toneladas en bandeiras de conveniencia, en 2021 foron 912 millóns.
16) 4.442 millóns de euros. Esa cantidade é, para a Fiscalía, a astronómica factura da catástrofe. Fronte a isto, os 2.500 millóns de euros que son a cantidade fixada polo Tribunal Supremo, intereses de demora e custos procesuais incluídos, para as indemnizacións para pagar aos prexudicados: Estado español e francés, Xunta da Galiza, e 265 particulares, empresas, Confrarías e Concellos.
17) 1,3 millóns de euros. O custo para a Xunta do xuízo, segundo no seu momento transcendeu con documentación do departamento de Presidencia, Administracións Públicas e Xustiza.
18) O 23 de febreiro de 2003, 100 días despois da declaración do desastre, o movemento Nunca Máis aterra en Madrid. Os organizadores falaban dun millón e medio de persoas na mobilización, á que se desprazaron miles de galegos en autobús, tren e vehículos particulares, mentres que desde a Delegación de Goberno rebaixaron a cifra a unhas 100.000.
19) 1.137. O número de praias afectadas polo chapapote
20) 1.600 Baixo as augas da costa galega localizáronse nas últimas décadas nada menos que 1.600 barcos –segundo National Geographic, que di que se calcula que pode haber uns oito mil pecios–, en investigacións levadas a cabo pola Armada española, o CSIC e as universidades de Gales, Lisboa, Southampton e Texas
21) 0. Son os cargos políticos ou técnicos imputados pola súa responsabilidade na marea negra.
