![[Imaxe: Xurxo Lobato] Carlos García Martínez](/asset/thumbnail,1280,720,center,center/media/nosdiario/images/2018/03/17/2018031713284654240.jpg)
“Formouse como arqueólogo, prehistoriador e antropólogo ao carón dos mestres Fermín Bouza Brey, Luís Monteagudo ou Antonio Fraguas”, relatan na argumentación do galardón. Nesa época, sinalan, realizou traballos sobre a arte rupestre galega e escavacións en necrópoles megalíticas galegas e baixo romanas.
“Unha das áreas de preocupación de García Martínez foi a defensa e expansión da cultura popular galega”, din, e lembran o seu papel impulsor no Museo do Pobo Galego, “o principal centro de antropoloxía e etnografía de Galiza.
Carlos García Martínez (Santiago de Compostela, 1945-2018) tamén publicou abondosos ensaios sobre prehistoria, antropoloxía, etnografía e divulgación cultural. O seu libro De alicerces e devocións: unha ollada arredor das orixes é a obra que salientan entre a súa produción bibliográfica desde o Pedrón de Ouro. Nela trataba de Bouza Brey, Florentino Cuevillas, Antonio Fraguas e a arte prehistórica.
O Pedrón de Ouro 2018 entregarase na Casa Museo Rosalía de Castro, en Padrón, o vindeiro domingo 20 de maio. Será ás 12.30 e no acto participarán María Xosé Fernández Cerviño como mantedora e o presidente da fundación que outorga as distincións, Xosé Ramón Fandiño. A maiores, haberá música da man do grupo tradicional Os Melidaos.
