| 15:58 | Eliminado Manu Ochoa, unha decisión un tanto controvertida, pois parecía que pasara correctamente a porta. |
| 15:55 |
Voou de novo Manu Ochoa! Cruzou a meta como primeiro da súa manga... pero os xuíces están a investigar se saltou a última porta, polo que podería quedar fóra da semifinal.  |
| 15:48 | Primeiro disputáronse os cuartos de final do caiac cross feminino e agora chega a quenda do masculino, con Manu Ochoa na primeira manga de cuartos. |
| 15:35 | Lembramos que nesta modalidade de piragüismo slálom compiten catro padexeiros en diferentes mangas das que os dous primeiros pasan de rolda e os outros dous quedan directamente eliminados. Disputaranse primeiro os cuartos de final (a partir das 15.50h), onde Manu Ochoa terá como rivais o británico Joseph Clarke, o checo Jiri Prskavec e o eslovaco Jakub Grigar. Se queda entre os dous primeiros pasará ás semifinais que tamén se disputarán esta tarde, así como a final. |
| 15:30 | Estamos xa na canle de augas bravas do estadio náutico de Vaires-sur-Marne, onde o padexeiro tomiñés Manu Ochoa intentará hoxe rematar con medalla nas roldas decisivas de caiac cross, unha das grandes novidades do programa olímpico de París 2024. |
