Recuperar José Galán e Ramiro Souto

O pasado 20 de agosto, a Asociación para a Recuperación da Memoria Histórica iniciaba en Visantoña, no concello de Mesía (comarca de Ordes), os labores de busca dos corpos de José Galán Núñez e Manuel Ramiro Souto, dous guerrilleiros galegos asasinados en 1952 pola Garda Civil. Dous días despois, a asociación recuperaba os restos nunha foxa común e celebrábao como unha "homenaxe a todas as persoas represaliadas". Neste 'Sermos Galiza' Luis Lamela recupera tamén as biografías destes dous guerrilleiros, e de Juan Couto, que os acompañaba no momento dos feitos, para non esquecer a quen loitou contra o fascismo.