A simboloxía da vitimidade: signos dinámicos da salvaridade como lugares da memoria

Os lugares da memoria son espazos que achegan verdade, teorizou Ignacio Ellacuría antes de que co seu martirio fora tamén el sinalado en diferentes localizacións como chamado para a lembranza. Así topamos desde San Salvador a Portugalete, da UCA da que era reitor até a Universidade de Innsbruck na que se formou, o seu nome recollido en murais, placas, bustos, etc. Este xesuíta, desde unha perspectiva teolóxica, analizou a función do lugar da vitimidade como espazo histórico-político. Considera que hai culpas que non se espían nos confesionarios senón que deben ser expurgadas en ámbitos públicos e comunitarios.