Roxelio Groba Otero: Rompendo o elitismo na música clásica

Leva con alegría e responsabilidade a pertenza a unha estirpe familiar ligada intensamente á música, sostendo o legado do seu pai tanto na fundación que leva o seu nome como na dirección da Orquestra de Cámara da Galiza, que axiña vai facer as tres décadas de funcionamento. Roxelio Groba Otero (A Coruña, 1972) debulla nesta conversa, presidida por un entusiasmo contaxioso, a andaina destes emprendementos.