música

A banda noiesa Carabela estrea gravación en estudio e vídeo en directo da súa "nova" canción Nø, unha conxunción melódica que mistura os catro temas do seu primeiro traballo, 'Nó'. Pretenden fechar así o seu EP debut para dar a benvida ao seu próximo traballo, que sairá a finais de xuño. A gravación de estudio de Nø -xa dispoñíbel en todas as plataformas- compleméntase cun vídeo gravado en directo na Sala de Exposicións do Coliseo Noela (Noia).

Artistas denuncian a censura 'selectiva' de Eurovisión, que impediu todo tipo de símbolo ou mensaxe que tivese a ver con Palestina ou a denuncia dos ataques israelíes, mais non puido impedir que boa parte do público apupase a representante de Israel, Eden Golan, que pasa á final.

A praza da Quintana acollerá, a partir das 20.30 horas dest sexta feira 10 de maio, a segunda edición do Compos Fest, que contará con recoñecidos artistas e grupos locais: Boyanka Kostova, Dios Ke te Crew, André G. S. e Cool Nenas.

Chega a traca final da particular homenaxe a Luísa Villalta da Banda da Loba neste 2024 no que se lle dedican as Letras Galegas. "Non podiamos nin queriamos obviar a cara máis reivindicativa da escritora, que formou parte do movemento Nunca Máis e escribiu tomando posición do lado do pobo palestino nesta guerra que semella non ter fin", explica o grupo. "E o mar é unha homenaxe ao seu activismo, ao seu compromiso, á súa valentía e tamén ao noso pobo, porque non podemos nin queremos esquecer", engade a banda. "Tras o Prestige, os pellets. Que virá despois? Queda aprender para non termos que pasar por ningunha traxedia Nunca máis", culmina A Banda da Loba.

Guadi Galego estará no cartel do festival de Vilaxoán, que tamén acollerá os derradeiros concertos na Galiza de Mafalda e Lágrimas de Sangre

Entre viaxes en furgoneta, concertos e emoción polos proxectos futuros, Fillas de Cassandra, que son María Soa e Sara Faro, fechan a 'Acrópole' coas 'Últimas Dionisíacas' e con ganas de seguir descubrindo a súa voz.

Javi Sánchez ten 26 anos e é de Vigo, aínda que é a súa personaxe e alter ego, a drag pandeireteira Meiga-i, a que recolle os recoñece-mentos por reivindicar a cultura popular desde a modernidade.

O proxecto compostelá de pop urbano composto por Iago Galego e Paula Ferraz actuará o 24 de xullo de 2024 no escenario principal deste grande evento da cultura galega.

O veterano encontro de folk e música tradicional traerá do 23 ao 28 de xullo artistas e formacións como Xabier Blanco, Budiño, Mercedes Peón, Obal ou a escocesa Brìghde Chaimbeul. 

O programa botará a andar o sábado pola mañá ás 11.30 horas coa inauguración da exposición O mar na obra gráfica de Xosé Conde Corbal.

Elías J. Torres Feijó (Tui, 1964) vén de ser reelixido decano da Facultade de Filoloxía da USC, a primeira en iniciar a conmemoración do 50 aniversario da Revolución dos Cravos, no mes de abril; e a última en engrandecer a memoria histórica do que supuxo este proceso democrático contemporáneo nos días 7 e 8 de maio. 

O Festival Resis da Coruña celebra este ano a súa sétima edición rendendo homenaxe ao comprometido compositor Luigi Nono, unha das grandes figuras da música do século XX, cando se conmemoran os cen anos da súa morte. 
 

O saxofonista Jaime Estévez (Vigo, 2001) vén de ser seleccionado para formar parte da European Union Youth Orchestra, considerada unha das mellores orquestras de músicas e músicos novos.

Julio Alonso Monteagudo constatou que desde o século XVII circulaba pola Península Ibérica un baile coñecido como gaita galega que sería o antecedente máis directo

A segunda edición das Residencias Artísticas Mariñán, organizadas pola área de Cultura da Deputación da Coruña, rematou onte deixando ver a necesidade do apoio a unha creación que ten como horizonte a reconstrución do común desde unha reapropiación da ética. 
 

É un artista xa consagrado despois de tantos anos na escena galega, onde comezou case na adolescencia. Xabier Díaz (A Coruña 1969), publicou recentemente o seu cuarto disco, Axúdame a sentir, coas Adufeiras de Salitre, un grupo de mulleres coas que xa leva dez anos e un ronsel de actuacións sempre ateigadas dun público fiel. Antes estiveron as experiencias en Rumbadeira, Berrogüetto, aCadaCanto ou Nova Galega de Danza, unha traxectoria que sementou parte da explosión diversa e colectiva da música tradicional galega de hoxe.

M​ú​sicas Brasileiras, M​ú​sicos Portugueses / Orquestra de Jazz de Matosinhos / Cara - Biscoito Fino / 2024 / Doce pezas / 12 euros