A uva rebelde da terra lexítima

"Os viños, eses produtos da nossa terra que alegram os nossos coraçons e levam polo mundo o nosso nome", afirmaba Ricardo Carvalho Calero no pregón da Feira do Viño do Ribeiro en Ribadavia en 1980. Hoxe, os viños galegos compiten en calidade cos de calquera parte do mundo. Elévase o prezo da botella e lidérase a vangarda do sector. Iso vai en paralelo coa recuperación das castes autóctonas, ancestrais, enraizadas no territorio. Entre elas sobresae unha das máis xenuínas, a branca lexítima, unha variedade que fora perdendo terreo desde comezos do século XX. Agora ofrece todo o seu potencial nas terras de Betanzos, Navia e Barbanza-Iria. Un viño da máxima expresión.