Redacción 13/xan./22 - 11:21 Actualizado: 13/xan./22 - 13:36 Seguinte chevron_right +Info SOCIAL O Estado fixa en 2,94 euros o prezo máximo dos tests de antíxenos Os casos activos da Covid-19 redúcense en 16.825 na Galiza, por mor da aplicación do novo protocolo polo que se recibe a alta aos sete días se o paciente non ten síntomas, polo que o país conta na actualidade con 59.451 infeccións. Pola súa parte, os pacientes hospitalizados por este coronavirus ascenden a 514 (+6), mais a taxa de positividade baixa lixeiramente a 25% no conxunto da Galiza. Segundo os datos actualizados na mañá desta quinta feira pola Consellaría de Sanidade, con rexistros até as 18 horas da cuarta feira, nos que se inclúen os positivos por autotest e aplícase o protocolo de altas aos sete días se o paciente non ten síntomas, increméntanse a 57 as persoas ingresadas en UCI pola Covid-19 (+2) e a 457 as hospitalizadas noutras unidades (+4), mentres que 58.937 atópanse en seguimento no seu domicilio a través da Atención Primaria. Por áreas sanitarias, a presión hospitalaria alíviase en dúas —Lugo-A Mariña-Monforte e Pontevedra-O Salnés—, mantense na de Vigo e aumenta nas outras catro: A Coruña-Cee, Compostela-O Barbanza, Ourense-Verín-O Barco e Ferrol. No caso da de Lugo descenden a catro os pacientes Covid en UCI (-1) e a 45 os ingresados noutras unidades (-6), mentres que na de Pontevedra aumentan a oito o críticos (+1), pero baixan a 60 os hospitalizados noutras unidades (-6). Polo seu lado, na área de Vigo aínda que aumentan a 13 os pacientes Covid en UCI (+2), baixan a 79 os ingresados noutras unidades (-2). Pola contra, na de Compostela soben a sete os críticos (+1) e a 69 os doutras unidades (+6). Na da Coruña increméntanse a 15 os pacientes Covid en UCI (+1) e a 103 os ingresados noutras unidades (+4) e na de Ourense, aínda que descenden a seis os críticos (-2), aumentan a 70 os doutras unidades (+4). No caso da área sanitaria de Ferrol mantéñense catro pacientes en UCI por este coronavirus, mentres que aumentan a 31 os hospitalizados noutras unidades (+4). 16.825 casos activos menos Coa adopción por parte do Sergas do novo protocolo de altas de pacientes infectados pola Covid, os casos activos sitúanse en Galicia en 59.451 (-16.825). Con máis casos activos mantense a área sanitaria de Vigo, con 14.074; seguida da da Coruña, con 11.893; Compostela, con 9.173; Ourense, con 7.738; Pontevedra, con 6.610; Lugo, con 6.317, e Ferrol, con 3.646. Segundo os últimos datos actualizados polo Ministerio de Sanidade esta cuarta feira 12 de xaneiro, a incidencia acumulada a 14 días da Galiza aumenta a 3.165 casos por cada 100.000 habitantes, fronte aos 3.128 de media no Estado. Novo récord de contaxios Os novos contaxios da Covid-19 sitúanse en 7.875 no conxunto do país, que supoñen 468 menos que o día anterior, tras os 5.927 da terza feira e os 4.966 da segunda. A Galiza acumula desde o inicio desta pandemia 310.727 positivos por coronavirus. Aliás, nas últimas 24 horas realizáronse 8.168 PCR, que supoñen unhas 380 menos que o día anterior, e elevan a 3.440.648 as feitas desde o inicio da pandemia; e 12.469 test de antígenos (-530), que suman 1.256.543, o que implica 20.637 probas efectuadas entre ambas (+142). Segundo os datos actualizados por Sanidade co cambio de protocolo, nas últimas 24 horas abríronse 7.061 novos casos da Covid. En canto á taxa de positividade en PCR —número de infeccións detectadas cada 100 test—, descendeu lixeiramente a 25,3%, tras repuntar a 26% na cuarta feira. Vítimas mortais As persoas falecidas diagnosticadas coa Covid-19 desde o inicio desta pandemia en toda a Galiza ascenden a 2.832, ao notificar a Consellaría de Sanidade esta cuarta feira tres novas vítimas. Fronte a iso, 248.490 persoas diagnosticadas de coronavirus curáronse no país desde o comezo desta crise sanitaria, que representan 24.697 máis que as rexistradas até o día pasado —coa aplicación do novo protocolo de altas—. Etiqueta Galiza Sergas pandemia Covid-19 Seguinte chevron_right
SOCIAL Morren dúas persoas e unha resulta ferida grave nun accidente de tráfico en Dumbría Redacción 14/ago./24 18:54
SOCIAL Desactivan un proxectil aéreo MK15 da Segunda Guerra Mundial en Mondariz Redacción 14/ago./24 15:24
Mapa interactivo Vigo e Mos, os municipios con maior reserva de solo para vivenda protexida: canta hai no teu concello? Y. C. M. 14/ago./24 14:24
SOCIAL Os corpos dos tres galegos falecidos no naufraxio do 'Argos Xeorxia' chegarán á Galiza a vindeira semana Redacción 14/ago./24 13:53
Turismo Unha trintena de concellos xa implantaron a taxa turística en Portugal X. M. P. 14/ago./24 8:00