Os servizos de emerxencia rescataron hoxe a unha persoa que caera ao mar na zona entre Palexco e o Náutico, na Coruña.
Xa fora da auga, os servizos sanitarios trataron de reanimalo, pero faleceu.
Segundo trasladou o 112 Galiza, varias persoas puxéronse en contacto coa central de emerxencias sobre as 6 horas da mañá para alertar de que escoitaban desde o pantalán os berros dunha persona pedindo auxilio neste punto.
Os sanitarios non puideron facer nada por salvarlle a vida
Con esta información, os operadores do 112 puxeron en marcha o operativo de rescate no que participaron profesionais do Servizo de Urxencias Sanitarias de Galicia-061, Bombeiros da Coruña, Policía Nacional e Policía Local.
Unha vez fóra da auga, a vítima recibiu asistencia médica por parte dos profesionais sanitarios, que non puideron facer nada por salvarlle a vida.
Segundo fontes consultadas, as forzas de seguridade tratan de esclarecer as circunstancias deste suceso.
