O Goberno de Malvinas publicou un comunicado no que defende a súa xestión e a toma de decisións na procura da tripulación do ‘Argos Xeorxia’, naufragado fronte ás súas costas a pasada terza feira.
Responden así as críticas vertidas sobre todo en redes sociais, ás que o propio Goberno refírese no seu escrito, no que fala dunha "significativa cantidade de información inexacta", non só en redes, senón tamén en medios.
"O Goberno das Malvinas foi capaz de publicar información fidedigna desde que se produciu o suceso, pero iso ás veces supón un custo en termos de rapidez, dado o nivel de sensibilidade", remarcan.
Así, explican que após analizar a situación desde múltiples factores, decidíase esta pasada cuarta feira paralizar os labores de rescate dada as complicadas condicións meteorolóxicas. Con todo, destacan que continuarán revisando a situación diariamente e fque, polo momento, pedíuselle apoio aos buques que faenan na zona.
No comunicado envían tamén as súas máis "sentidas" condolencias ás familias e achegados dos falecidos e desaparecidos e unha "rápida e completa" recuperación a aqueles que sobreviviron a este "horrible episodio".
Ademais de dar as grazas a todos os involucrados nos labores de rastrexo e rescate, agradeceron á comunidade insular haber doado roupa e outros obxectos persoais para os sobreviventes, que xa se atopan aloxados nun hotel até a súa volta ao Estado español.
Repatriación
Está previsto que esta sexta feira despegue un avión fretado polo Ministerio de Exteriores cara a Malvinas para repatriar durante a fin de semana os sobreviventes e os falecidos.
Tal e como sinalaba o delegado do Goberno español na Galiza esta quinta feira, viaxará tamén un diplomático da División de Emerxencia Consular para estar en contacto directo cos sobreviventes e autoridades locais.
