BNG

O portavoz nacional do BNG, Guillerme Vázquez, agarda que a Asemblea Nacional deste 17M represente un “ponto de inflexión” para a formación nacionalista. “Non un punto e seguido, senón un punto e aparte para a nosa organización” que poría o ramo a un “un proceso intenso e amplo de reflexión e debate” do que, agoira, “sairá un BNG reorientado, capaz de gañar confianza social para conquistar o futuro hoxe negado”.

A Asemblea Nacional do BNG é o tema de abertura do número 39 do Sermos Galiza, xa no prelo. O dereito a decidir, no horizonte, é a manchete a toda plana. Partilla espazo coa demisión de Ferrín, o copagamento dos comedores escolares e as arelas dos crentes de base por construír outra Igrexa, moi distante da que simboliza o flamante papa Francisco.

O conselleiro de Educación e Cultura asegura que as sentenzas do TSXG apoiaron o 95% do contido do decreto sobre o uso do galego no ensino. En troca, bate contra o deputado do BNG, Cosme Pombo, e espétalle "foi a RAG a que recorre perante un tribunal que vostedes tildan de españolista".

O blogue creado pola organización frontista co gallo da súa XIV Asemblea nacional recolle desde hoxe a traxectoria política e profesional de Xavier Vence.

Aseguran "non gostar nada" da visita do presidente da Xunta a Madrid e denuncian que este se dobregue aos intereses de Génevo en troca de defender os de Galiza.

Francisco Jorquera asegura que as teses do apostan na construción da unidade do nacionalismo "paso a paso" e a través da apertura de espazos de confluencia con outras organizacións soberanistas.

Entrevista con Martiño Noriega, responsábel de Acción Institucional de Anova, na Radio Galega. Defendeu alargar AGE coa incorporación do BNG. A formación frentista defende a unidade do nacionalismo, mas desde o principio da auto-organización, o que excluiría acordos con formacións como EU que teñen o seu centro de decisión en Madrid.

Guillerme Vázquez asegura que a proposta que concorrerá á Asemblea nacional é "plural e ilusionante" e define o candidato Xavier Vence como "idóneo para encabezar esta nova etapa". A proposta que lidera Vence obtivo este sábado un amplísimo apoio do Consello Nacional. Tal e como adiantou Sermos Galiza, a candidatura supón unha renovación sen precedentes na dirección executiva. 12 caras novas. Só repiten Francisco Jorquera, Montse Prado e Rafa Vilar.

Xavier Vence perfílase como o novo portavoz nacional do BNG ao encabezar unha proposta de candidatura ao Consello Nacional que conta co respaldo dos independentes, a Unión do Povo Galego e o Movemento Galego ao Socialismo, segmentos que neste momento son amplamente maioritarios na base militante da organización nacionalista.

Marta Rivera, escritora que ten publicado toda a súa obra en español e que colabora con Galicia Bilingüe, cargou hoxe contra o Bloque Nacionalista Galego polas críticas realizadas pola formación frentista ao feito de ter sido ela a única literata convidada pola Xunta para homenaxear Rosalía con motivo do 8 de Marzo. En declaracións a Efe, a gañadora do Premio Planeta de 2011 afirmou que "Rosalía deixou de escribir en galego por culpa de xente como esta", en alusión ao BNG.

Un alto cargo da Consellería do Mar, Juan Maneiro, restou importancia ás propostas para mellorar as condicións dos mariñeiros e afirmou que a Xunta non lles vai enviar “un buque balneario”

Como “aldraxe” á memoria de Rosalía e ao conxunto de escritoras e escritores” califica a deputada nacionalista, Ana Pontón que unha escritora en español, belixerante contra o galego e afín ás teses de Galicia Bilingüe sexa a escollida pola Xunta de Galiza para homenaxear a Rosalía de Castro polo Día Internacional das Mulleres.

Alcaldías e portavocías locais da organización frontista anunciaron esta cuarta feira que reforzarán a súa presenza na Fegamp a través da presentación de senllas mocións nos concellos, o Parlamento e o Congreso español contra unha reforma "que liquida a maior parte dos concellos galegos" e pretende impor "un modelo vertical" en detrimento das políticas e servizos sociais.

BNG, Amaiur e ERC continúan a tentar que a súa proposición de lei de autodeterminación chegue ao Pleno do Congreso. As forzas soberanistas, que non se resignan, rexistaron un escrito instando á Mesa a que reconsidere o seu veto.

Após a aplicación da reforma da PAC, a UE suprimirá o sistema de cotas e iso xa non é debatíbel. Porén, @s nacionalistas demandan a creación dun fondo que "compense ás explotacións endebedadas" e free "a inestabilidade dos prezos do leite" en Galiza logo de que Estrasburgo liberalice o sector.

Pedro Puy anunciou que o PP "non apoiará" a solicitude de comparecencia parlamentar presentada de forma conxunta por BNG, AGE e PSdeG para que o presidente da Xunta explicase "os casos de corrupción" que acosan o partido do goberno.