pandemia

Segundo os cálculos do Goberno español contaríase xa a inicios de 2021 con 20 millóns de vacinas da farmacéutica Pfizer contra o coronavirus, "se pasan todos os controis". Como cada persoa precisaría de dúas doses, espérase que esa primeira remesa sirva para inmunizar 10 millóns de cidadás e cidadáns no Estado. 

Catalunya ten previsto prorrogar 15 días máis a prohibición de traballar á hostalaría e en Andalucía a actividade non esencial finaliza ás 18 horas e fica desde mañá prohibido saír e entrar de calquera dos seus concellos. Logo está Madrid, que ao pasar o seu feriado levanta o fechamento perimetral e a Galiza, que segue sen blindar as súas fronteiras. 

A área sanitaria de Vigo foi a máis afectada hoxe con 8 falecidos, catro dos cales residían no xeriátrico de Salvaterra do Miño. A Consellaría de Sanidade aclarou que os decesos tamén se corresponden cos da fin de semana que non foran contabilizados.

A metaliteratura é cada vez máis un terreo ao que se achegan as persoas que adoran os libros para reflexionar sobre eles. No medio desta pandemia, ademais, semella que os libros, as bibliotecas e as librarías se converten en espazos de calma e de reivindicación, sobre todo cando se demostra que a cultura é máis necesaria que nunca. Co gallo do 13 de novembro, Día das Librarías, lembramos algúns títulos de "libros que falan de libros".

A incidencia do coronavirus nas escolas e institutos segue a medrar. Porén, até o momento o gromo más grande que se detectou é o do colexio Apóstolo Santiago de Vigo, que obrigou a fechar 10 aulas e manter en corentena a unhas 200 persoas.

 

Tres dos falecementos comunicados esta noite polas autoridades sanitarias tiveron lugar en centros residenciais.

O Goberno galo decidiu actuar en previsión de que a situación empeore nos próximos dez días, cando se dea "un punto de saturación" nos servizos de reanimación.

O Bloque Nacionalista Galego pensa, por exemplo, en compensar algo os danos á hostalaría, o pequeno comercio e o sector cultural, entre outros ámbitos.

O sector considera que a imposición da paralización da actividade a partir desta sexta feira, agás para vender comida a domicilio, achega aínda máis negocios á desaparición.

O Goberno galego mantén as restricións comunicadas a pasada sexta feira, día 30. Foi o único que transcendeu da reunión que mantivo até a noite desta terza feira o comité clínico que asesora a Xunta da Galiza. Prevese que nesta cuarta feira a Consellaría de Sanidade informe a respecto dunha xuntanza que, segundo puido saber Nós Diario, foi "tensa".

O grupo parlamentar do PP e os partidos da oposición pactan a comparecencia do presidente galego para facer un seguimento da evolución da pandemia na Galiza

As autoridades sanitarias informaron de numerosos pasamentos por todo o país. Moitos deles están directamente relacionados coas residencias de maiores. Xa son 944 mortos desde o inicio da pandemia.

"A preocupación é que as unidades de coidados intensivos dos hospitais se están a encher de xente moi enferma". É a advertencia feita pola portavoz da OMS na presentación do informe semanal sobre a pandemia da Covid, que ten en Rusia, Francia, España, o Reino Unido, e os Países Baixos os Estados coa maioría das novas infeccións.

Uns 50 países do mundo superaron os 100.000 contaxios. A China, o país onde se orixinou a pandemia, contabiliza 90.925 e 4.739 vítimas mortais.

A segunda vaga do novo coronavirus segue a medrar en Europa. O medo a que se descontrole e poida colapsar os servizos sanitarios levou a medidas drásticas nos principais Estados da Unión Europea e no Reino Unido.

O coronavirus acentúa as asimetrías na zona euro