Rusia

Rusia segue a negar o ataque a civís.

O exército ucraíno conseguiu "frear os soldados rusos en todas as frontes", segundo Zelenski.

O presidente da Ucraína acusa a comunidade internacional de abandonar o país á "invasión" de Rusia "por medo".

O Stockholm International Peace Research Institute calcula que no mundo hai actualmente máis de 13.000 armas nucleares, a meirande parte en posesión dos EUA e Rusia. 'Nós Diario' analiza co experto en política nuclear e xeoestratexia Daniel Rajmil, da Universitat Oberta de Catalunya, as probabilidades de que estoupase unha hipotética guerra nuclear e das súas consecuencias. Se ben a situación é hoxe "indubidabelmente mellor" que no momento máis crítico da Guerra Fría, Rajmil salienta que non se vivira algo igual "desde a crise dos misís de Cuba".

As forzas políticas do país reclaman por unha banda apoiar as medidas que asuma a Unión Europea e pola outra a "neutralidade activa" do Estado e o impulso da vía diplomática.

O portavoz do Ministerio de Defensa ruso, Ígor Konashénkov, nega que os seus militares teñan efectuado "ataque ningún con misís polo ar ou con artillaría nas cidades ucraínas".

Ucraína confirma perto de 40 falecementos, incluídos dez civís, pola ofensiva militar do exército ruso. 

A vicepresidenta terceira do Goberno e ministra de Transición Ecolóxica, Teresa Ribeira, asegurou en Lugo que a subministración de enerxía está "garantida", mais alertou dun encarecemento por mor das hostilidades entre Rusia e Ucraína.

A voceira do Bloque condena os bombardeos rusos sobre Ucraína e reclama unha neutralidade activa por parte do Estado español.

O escritor e profesor Alberte Blanco Casal desbota facer unha lectura "simplista" do ataque ruso a Ucraína. Non pode quedar nunha mera condena á invasión rusa, advirte. En conversa con Nós Diario, asegura que Rusia non ten máis ambición militar que a de conseguir o obxectivo estratéxico de que Ucraína sexa un país neutral.

As principais cidades ucraínas espertaron co son das sirenas que avisan do impacto de proxectiles.

Estados Unidos cancela a reunión bilateral con Rusia prevista para esta quinta feira.

O sociólogo e xornalista Daniel Seixo protagonizou esta cuarta feira en Compostela o relatorio 'Quen ameaza quen. Chaves no conflito na Ucraína', organizado polo colectivo internacionalista Mar de Lumes. Antes de intervir atendeu 'Nós Diario' para sinalar as causas, e as consecuencias, da aguda crise entre a OTAN e Moscova.

A Unión, dixo Josep Borrell, "ten aínda munición gardada" para "redobrar" a presión contra Moscova.

A UE advirte de "duras sancións" se Rusia non se retracta do seu recoñecemento ás repúblicas de Donetsk e Lugansk e que suporá a despregadura de tropas rusas na rexión do Donbass para desenvolver "misións de paz", segundo o Kremlin.

"Rusia fixo todo o posíbel para solucionar o conflito de forma pacífica, mentres Kiev estivo maltratando a xente que vive alá ao longo destes últimos anos", afirma Putin.

Só Reino Unido avala as acusacións dos EUA de que Rusia está a punto de invadir Ucraína, cando se achega unha nova conversa entre os presidentes de Rusia e os EUA para abordar a seguridade en Europa.