Representantes do mundo editorial participan no seminario “Cultura galega e edición na Galiza franquista” que se desenvolve este mércores día 22 na Universidade da Coruña, enmarcado no proxecto de investigación dirixido pola profesora Carme Fernández Pérez-Sanjulián que afonda na relevancia das iniciativas editoriais na recuperación da cultura galega.
Para protestar contra o 21% de IVE cultural, a Santa Compaña visitará o día 21 a delegación de Facenda da Coruña dentro da campaña “O 21 todos contra o 21%” que promove na Galiza a Asociación Galega de Salas e Locais de música ao Vivo, Clubtura.
O goberno provincial dirixido polo popular Diego Calvo, premiou os concellos afíns da Coruña, Santiago e Ferrol incumprindo os criterios fixados polos Plans de Obras e Servizos da propia Deputación. Desde o BNG e os concellos de Oleiros, Narón e Teo denuncian un reparto que coidan "arbitrario", "sectario" e "clientelar".
O primeiro tenente de alcalde do goberno de Negreira, Julio Flores o concelleiro do PSOE José Nogueira son os dous cargos das doce persoas imputadas no Concello da Coruña dentro da Operación Pokémon entre os que se encontran funcionarios e cargos de confianza do goberno de Negreira.
A Comisión para a Recuperación da Memoria da Coruña achégalle á xuíza instrutora un extenso informe de 25 páxinas con información sobre os ministros da ditadura aínda vivos a quen se lles acusa de delitos contra a humanidade.
O sábado dúas marchas paganas homenaxearán a Vidal Bolaño en Compostela e a Lugrís na Coruña.
Rúas e tabernas de Santiago recibirán un ano máis a procesión de Santa Bolaña mentres na Coruña, unha manifestación surrealista e atlántica lembrará o poeta do mar.
O próximo sábado día 21 de decembro conmemorarase por cuarta edición o día de Urbano Lugrís mais desta volta será unha festa grande porque se celebra tamén o reencontro da cidade cun novo mural do artista, “Visión da Coruña, 1830” pintado nunha parede de Madrid.
O Partido Popular na Deputación coruñesa dá luz verde a unha medida que, segundo o interventor xeral do organismo provincial, contraviría a legalidade vixente e que resulta na criación de 10 novos altos cargos e en fortes subas salariais para 25 xefaturas. O interventor xeral do organismo advirte: "non garante unha mellor prestación dos servizos" e infrinxe, di, "os principios de racionalidade e eficiencia" no gasto público.
"Poden gustar ou non, mais cumpriron co obxectivo de promocionar o pequeno comercio'', dixo no Parlamento a secretaria xeral de Igualdade, Susana López Abella.
A Praza de María Pita convértese de novo neste Nadal nun poboado lapón e o goberno local do PP pagará por esa transformación por volta de 140.000 euros. Máis de 90.000 gastará en alugar as carrozas da cabalgata de Reis, un 160% máis que no goberno anterior.
Faino nun escrito remitido a Elisabeth Sanlés desde o Instituto Galego de Vivenda e Solo en que lle denegan un inmoble porque "o seu caso, sen discutir a precariedade da súa situación, non é quen de atopar unha singularidade tal que permita diferenciala da que están a padecer a meirande parte das outras 3.500 demandantes de vivenda".
As mulleres que denunciaron aparecen nun vídeo difundido pola propia organización para denuncias que o xulgado de violencia de xénero da cidade herculina paraliza o 31% dos procesos. Interpretan o sobresemento como "unha clara represalia".
Funcionarios rexistraron o concello herculino nun operativo relacionado coa investigación que o Xulgado de Lugo desenvolve en relación a este trama, na que hai xa case 90 imputad@s. Procuraban contratos co grupo Vendex. O BNG coruñés lembra que en 2012 xa lle pedira o alcalde que remitira toda a información de Vendex á xustiza.
Silvia Penide e Félix Arias protagonizan o vindeiro xoves un concerto solidario da man de Implicadas no Desenvolvemento. Os fondos destinaranse a programas de erradicación do infanticidio feminino e empoderamento das mulleres na India
Segundo os dados de Stop-desafiuzamentos, son 20.000 as vivendas que están baleiras na cidade. En conversa con Sermos Galiza, Sanlés dixo atoparse "con moito ánimo" e "moi avergoñada" pola acción dos antidisturbios que blindaron seu despexo.
A desproporcionada actuación dos antidisturbios no desafiuzamento de Elisabeth Sanlés foi contestada por ducias de veciñ@s que intentaron frealo. Nove furgóns aparcados a un e outro lado da rúa facilitaron o traballo da comitiva xudicial. Após botar a muller da casa, a policía parabenizouse.
Malia a resistencia de activistas que se atopaban dentro do inmoble, da propia Sanlés e da súa sobriña, que se encadearon á fachada do edificio para que non as botaran da casa, o desafiuzamento executouse. A policía prendeu seis persoas.
A CIG denuncia o proceder dos outros dous sindicatos asgurando que tomaron a decisión de maneira unilateral e sen sometela á asemblea ''cando tiñamos acordado debater calquera postura antes de nos pronunciar: vendéronnos''.
No Campo de Marte, na biblioteca da Asociación de Veciñ@s Atochas Monte Alto, Xurxo Souto e Lalo Carnota presentan este sábado día 23 ás 19.30 “A Terra Queima”, un libro-cd no que as pedras percebeiras que rodean á Torre de Hércules séntense e contribúen a desenmarañar un enigma do que depende a salvación do mundo.
O xulgado do contencioso-administrativo da Coruña recoñece que o goberno de Carlos Negreira vulnerou os dereitos fundamentais de Xosé Manuel Carril ao lle negaren acceso ás auditorías de Nostián. O edil do BNG advirte que se a equipa municipal non muda de actitude, serán demandad@s pola vía do penal.
