As lapas dominaron o país desde a media tarde do domingo até a mañá da segunda feira. Durante ese período Galiza estivo inerme. Non o di a oposición, a presión da opinión pública é tal -miles manifestáronse onte para clamaren Lumes Nunca Máis- que Feijóo esta terza feira, nun acto conxunto coa ministra de Agricultura, se viu obrigado a admitir: "Perdemos o control durante 12 horas"
Empregou a cita política máis importante do Parlamento de Galiza para defender a liña dura contra o proceso catalán. Pediu un acordo da Cámara para censurar o “golpista” goberno catalá e situou a orixe dos problemas no nacionalismo. A maiores, o presidente fixo un longo relatorio no que debuxou unha Galiza no país das marabillas. E non faltaron as promesas: rebaixas de impostos e unha oferta pública de emprego de 14.000 novos postos até 2010.
A Lei de Transparencia obriga a que as reunións do presidente da Xunta figuren na súa axenda oficial. Segundo o BNG, Feijóo tería tido un encontro "oculto" co presidente da patronal da sanidade. A formación soberanista liga esta entrevista co posterior "desvío de fondos públicos" a centros privados.
O presidente da Xunta estaría a prol dunha "transmisión a título gratuíto" do imóbel e da finca espoliadas polos fascistas en 1938. Esta cuarta feira, Feijóo será interpelado sobre este asunto no Pleno do Parlamento galego, por iniciativa da líder do BNG, Ana Pontón.
Mariano Rajoy regresou hoxe a Galiza onde tivera que interromper as súas vacacións hai dez días polos atentados en Barcelona. Falou en Pontevedra diante de dirixentes do Partido Popular para pedir a “algúns responsables políticos” que renuncien aos seus “plans de ruptura, división e radicalismo”. Acompañouno Núñez Feijoó, que dixo que “non pode haber partidos nin ideoloxías, nin pequenas batallas absurdas” fronte ás “grandes traxedias”.
O goberno de Alberto Núñez Feijóo optou por se financiar a través de bancos e fondos de investimento, con tipos de interese máis altos, e non mediante os mecanismos públicos. As preguntas, tamén en sede parlamentar, sobre cal é o sobrecusto desta decisión baten co silencio da Xunta. Outros cálculos cifran ese ‘custo de máis’ en 1.670 millóns de euros. Deixamos un extracto da reportaxe publicada no Sermos Galiza 260.
Do testemuño emprestado esta cuarta feira por Rajoy na Audiencia Nacional a portavoz nacional do BNG tira unha conclusión clarísima: nen el nen Feijóo -pola súa valoración posterior- teñen o menor interese en esclarecer os vínculos que unen o PP coa conexión galega da Gürtel.
Condenado ao encerramento polos recortes da Consellaría de Ensino, o CPI Monte Caxado -representado por nais e pais do alumnado- fíxose presente esta segunda feira no exterior do Museu da Cidade da Cultura, onde decorreu o acto de entrega das Medalla Galiza.
ENCE atacou a líder do BNG co epíteto de "maliciosa" por cuestionar o papel do eucalipto na Galiza. Pontón respondeu esta segunda feira cunha convocatoria xornalística fronte ás mastodónticas instalacións da pasteira, na ría de Pontevedra. "A política forestal da Xunta non a pode decidir ENCE desde o seu consello de administración comprando vontades con ex altos cargos do PP", dixo a dirixente nacionalista.
É o parlamentar do BNG que fiscaliza a política forestal do Goberno Feijóo. Ao seu xuízo, Monte Pío é simplesmente a terminal política dunha empresa, ENCE. Iso explica o monocultivo que caracteriza o monte galego, vítima dun galopante proceso de eucaliptización que só favorece os intereses da multinacional. Xosé Luís Rivas 'Mini' é o protagonista da entrevista política do Sermos253, xa na nosa loxa e nos quiosques do país. Eis un avanzo da conversa.
A través dunha misiva, a portavoz nacional do BNG, Ana Pontón, urxiu o presidente da Xunta, Alberto Núñez Feijóo, a manter un encontro en aras de abordar “un acordo de país” en política forestal. Após a traxedia de Portugal, sinala que “é urxente sentar a dialogar”.
“Se for un verdadeiro demócrata, debería esquecer o Poder Xudicial e impulsar xa unha comisión de investigación onde se depuren as posíbeis responsabilidades políticas”. Con estas palabras veñen de dirixirse ás vítimas do accidente ferroviario de Angrois a Alberto Núñez Feijóo a través dunha carta.
Manuel Fernández Padín traballou para o clan dos Charlíns até que soubo que andaban á coca. Cando quixo deixalo, un bo amigo 'vendeuno' á garda civil e prendérono no barbeiro. A cambio dunha rebaixa na condena aceptou ser confidente. Porén, o Estado non se portou tal como el esperaba.
