O TC suspende o pleno do Parlament en que se podería declarar a independencia de Catalunya
O Estado continúa a pisar o acelerador na escalada represiva. Mais unha vez, o Tribunal Constitucional dicta unha resolución contraria ao procés. Desta volta, a suspensión cautelar do pleno do Parlament que se ía realizar a vindeira segunda feira, unha convocatoria do lexislativo catalán en que eventualmente -e segundo anunciou a CUP- se iría producir a Declaración Unilateral de Independencia (DUI). O TC actúa a instancias dun recurso do PSC contra a convocatoria do pleno.