O últimato dado por Rajoy para activar o 155 -a suspensión do autogoberno catalán- pretendía achar unha resposta clara á pergunta de se o 10-O Puigdemont declarara ou non a independencia. O president opta por eludir a cuestión e por propor, en troca, a abertura dun diálogo durante os dous próximos meses.
24 horas antes da conclusión do ultimato dado por Rajoy, o president da Generalitat rendeu homenaxe a Lluís Companys, o titular da Generalitat que en 1940 foi fusilado polas forzas franquistas no castelo de Montjuïc, en Barcelona. Este domingo 15-O é o 77 aniversario deste magnicidio.
Unha corrente do Partit Demòcrata Europeu Català fai o propio. Oriol Junqueras afirma que o seu compromiso co mandato do 1-O é "inequívoco e absoluto". Segunda feira conclúe o ultimato dado por Rajoy, ao activar o mecanismo previsto no artigo 155, para Puigdemont responder se ten declarado ou non a independencia.
O titular do Executivo comunitario dixo esta sexta feira que non vai mediar entre Catalunya e o Estado español porque só llo ten solicitado unha das partes en conflito, isto é, a catalá. Juncker afirma non querer unha Europa con 90 países. Neste momento a UE está formada por 28 estados, mais en breve serán 27, após o Brexit.
ANC e CUP entre elas, así como o rostro máis visíbel de MES e eurodeputado por ERC, Ernest Maragall ou Demòcrates.
Arcadi Oliveres (Barcelona, 1945), economista, pacifista, independentista, é un home que camiña na procura da utopía, esa que na frase de Galeano foxe no horizonte en canto se dá un paso cara ela. Oliveres segue adiante. No 15-M, na construción de Procés Constituent despois, a plataforma que deu orixe ao espazo dos Comuns que el quixo máis amplo. Estivo na primeira liña da política catalá até hai nada. Esta terza feira 10-O estivo na Coruña para ofrecer unha charla sobre políticas de inmigración que inaugura o ciclo de Cooperación Expandida, un proxecto de intervención social que nace na cidade.
O españolismo máis extremista manifestouse este 12-O, Día da Hispanidade, en Barcelona. Nova marcha unionista na capital catalá e, como se agardaba, nada que ver co músculo mobilizador exhibido o pasado domingo. Esta quinta feira, a convocatoria "Catalunya é España" apenas reuniu uns miles de persoas. Entre elas fascistas que queimaron esteladas.
O president recoñece que o mandato das urnas foi claro e que Catalunya “gañou o dereito a ser un estado independente”. Porén, pula por escoitar as voces que piden diálogo. “Demando do goberno español que escoite e da UE, que se implique”.
Carles Puigdemont pronunciará esta terza feira no Parlament (18 h) o discurso máis transcendente da historia contemporánea de Catalunya. Todo indica que o president declarará a independencia do país. A dúbida está en cal será a fórmula con que proclamará o nacimento da República catalá. Durante toda a segunda feira, os distintos segmentos do soberanismo -JxSí, a CUP, mais tamén a Assemblea Nacional Catalana e Òmnium Cultural- mantiveron intensas reunións para perfilar os pormenores da declaración.
Pablo Casado, vicesecretario de Comunicación do Partido Popular, advertiu que a declaración de independencia pode acabar "como hai 83 anos”, en referencia ao presidente da Generalitat Lluis Compayns, que foi detido, preso en 1934 na II República e posteriormente, en 1940, fusilado polo réxime franquista. O día despois da manifestación unionista de Barcelona, Casado emitiu un discurso durísimo que non deixa ningún espazo á negociación e até deixou caer a hipótese da ilegalización dos partidos independentistas.
A iniciativa xuntou centos de persoas vestidas con roupa branca nunha convocatoria sen bandeiras. Nun manifesto, reclamaron que no se utilicen as leis "para xerar un conflito civil".
A chanceler alemá e o presidente da Comisión Europea mantiveron unha conversa telefónica sobre unha posible declaración do Parlament. Os ministros europeos de Economía teñen previsto abordalo tema a próxima semana.
A organización internacional, que representa a 92 millóns de traballadoras e traballadores, denuncia “as prácticas autoritarias e o terrorismo do goberno de Rajoy”.
