CIG

Representantes de CIG, CUT, CNT e da Rede Feminista Galega analizan unha contorna social en que Galiza suma xa 265.600 persoas en situación de desemprego e en que é preciso rachar coa relación entre a reclamación de dereitos sociais e o traballo remunerado. Todo isto coa ollada posta no 1º de Maio

A Coruña acolle a manifestación central, na que participará o secretario xeral, Suso Seixo

Preséntase en sociedade a Plataforma Galega en Defensa do Ensino Público, integrada por organizacións representantes das distintas pólas da comunidade educativa galega que manifestan o seu rexeitamento ao Real Decreto-lei 14/2012 e os recortes que contempla

Persoal de Ilunion, centro especial de emprego do grupo ONCE cuxos operarios e operarias traballan no sector da automoción, mobilizouse esta cuarta feira en Vigo "contra a represión sindical e laboral". Con esta protesta, os traballadores e as traballadoras queren rexeitar "a persecución" contra a representación sindical e o persoal por parte da dirección de Ilunion en resposta á campaña para reclamar "melloras nas condicións de traballo" e denunciar "a explotación que padece". De feito, segundo sinalou a CIG, seis dos 11 representantes do sindicato na empresa "foron sancionados ou amoestados no marco desta política de amedrente por reivindicar dereitos e denunciar unhas condicións de traballo lamentábeis, así como o abuso da contratación a través de empresas de traballo temporal, as xornadas abusivas e a falta de seguridade".

Medio cento de delegadas e delegados da CIG-Saúde concentráronse esta segunda feira ante a Delegación do Goberno español na Galiza, na Coruña, para exixir a xubilación aos 60 anos para o persoal da sanidade pública que leve máis de 25 anos cotizados. Así o manifestou a secretaria de Organización da federación, Ana Lestón, tras incidir na necesidade de "facer planificación do persoal sanitario tanto do presente como do futuro". 

A CIG vén de remitir un escrito ao Comité Europeo de Dereitos Sociais, polo rexeitamento por parte do Executivo estatal, "sen fundamento", da participación da experta Carmen Salcedo no proceso de "reclamación sobre a indemnización por despedimento", así como "polo cuestionamento da lexitimidade da central sindical na reclamación sobre o salario mínimo interprofesional [SMI]". O sindicato considera que constitúen “graves intromisións nas funcións do Comité Europeo de Dereitos Sociais” e un “boicot do Goberno español aos mecanismos de control da Carta Social Europea”. Neste sentido, o deputado do BNG, Néstor Rego, requirirá esta cuarta feira no Congreso ao Executivo estatal que respecte "o dereito de reclamación colectiva sindical e a representatividade da CIG".

O Ministerio español de Industria anunciou esta terza feira que a reunión de seguimento da actividade en Alcoa terá lugar o vindeiro 4 de abril, un comunicado que coincidiu co anuncio da multinacional de que está a "iniciar contactos con potenciais compradores" do complexo industrial de San Cibrao. O comité de empresa critica "unha forma de actuar pouco seria por parte da compañía".